Skip to content
ياناشدن عني تسرك علومي
قصيدة ياناشدن عني تسرك علومي للشاعر عبدالعزيز بن سدحان الشاعر السعودي عبدالعزيز بن راشد بن سدحان الفريدي الحربي من أهالي المدينة المنورة وشاعر شاب له العديد من القصائد المليئه بالحكمة وسبق له المشاركة في برنامج شاعر المليون 10 وحصل على المركز الرابع وقصيدته ياناشدن عني تسرك علومي كانت بدايتها توقيع عمله كخاطره من بيتين في حسابه في احد المنتديات قبل حوالي 20 عاما ولكن فيما بعد أحس وان هذه الابيات القصيرة لابد وان تكون قصيدة فأكملها وأصبحت بهذه القصيدة المكتملة يانـاشد ٍ عني تسرك علومي انا بـفـضل الله بـخير من الله مقصر ومذنب واصلي واصومي وازل واستـغفر على كل زله واقوم في وقت اللزوم بلزومي واشوم عن هرج ٍ مهو في محله واحب فعل الطيب من عرض قومي واكره دروب المسكنه والمذله واحفـظ تقاليـدي واراعي سلومي وابعد عن المنقود دقه وجله ولا اواطن مصاحب عيال الرخومي اللي تناشبني على كل زله واتـوق للبطران نسل القرومي اللي لارحت بطرقة ٍ ما تمله واقنع بمقسومي ولا يزيد لومي لاشك كل ٍ رزقه مقدر ٍ له وان مت ماني ميت ٍ قبل يومي وان عشت ماني عايش العمر كله ما خلد اللي من خطـاه معصومي وقدامـنا دار ٍ نبي ننتقل له يربح به اللي بأمر ربه يقومي اللي فعول الخير تملا سـجله والا ترى الدنيا مجرد حلومي اجمع شريط العمر وارجع وفله نركض ورى الدنيا ونركض ونومي والحاصله كل ٍ يراوح محله يا الادمي مهمـا تحوش محرومي كن الزمان يقـول ما اخذت خله خيرك لو انك دمت له ما يـدومي وان دام خيرك مانته بدايم ٍ له للشاعر عبدالعزيز بن سدحان العديد من القصائد لا يتسع المجال لذكرها ولكن نورد مقتطفات من بعض قصائده رح لسعه وش دخلك بالنوايا مالك بغيب الخلق لك في علنها و كانك من اللي يبحثون الخفايا حنا من اللي لا لقاها دفنها والله تكفل في حساب البرايا و الله يحاسبها على ما أتمنها و لا فيه احد ماله ذنوب و خطايا لا تشغل العالم و لا تمتحنها ابك الرجال الكاملين المزايا اللي يروح و يرجع العلم منها نوبٍ تزل اقدامهم في قضايا كانوا يردون الجهاهيل عنها ويقول الشاعر عبدالعزيز بن سدحان اخذت حقي من الدنيا وزينتها ومن الغنا والفقر والتعب والراحة وألحقت نفسي هواها لين عفتها واليوم طابت مقتنعه ومرتاحه ومشيت كل الدروب اللي بساحتها من فوق قبٍ قوية عزم جماحه تلقون قدامكم بالدرب جرتها ما فيه قفر ٍ تركته قبل تجتاحه كل الدروب الوعر فيني تمثنتها مع كل فج عميق الصبر مفتاحه وان قفلوا قدمي البيبان فكتها وان كان حطو حصاة رزاح منزاحه واليوم مليت منها و بسلامتها من تجربتها قصيدي مثري الساحة وان كانها تو تغريكم بضحكتها كلٍ يحث الركاب و يلبس وشاحه تجودوا في علابيها و شوشتها شمطاءٍ تبجح حراميه و مزاحه وبكرة تعرفونها على حقيقتها لا شال كلٍ عصاه و طش ملواحه ويقول الشاعر عبدالعزيز بن سدحان يا راكب أللي ما لبابه مفاتيح يفتح ويقفل عن طريق الشريحة يطرب بممشاه الرجال الطحاطيح يمشون به و نفوسهم مستريحه عليه مثل اهل الغرام المجاريح في شفهم ما يسمعون النصيحه اما نصوا قفرٍ مزونه مراويح و إلا لزومٍ فيه قومه و طيحه ما دوروا له قطعه من التشاليح يدورون وصوفه من القريحة الى ان يقول ابدرجه و انطّحه لصحاصيح و ادوج به مع الفياض الفسيحه اللي مراسيل الرياح اللواقيح ماهي على عشبة ثراها شحيحه سامح و طابت نفسي من المرابيح اللي تبي نفسٍ شفوقٍ لحيحه و اللي تزيّن في عيون المشافيح من مغرياتٍ في عيوني شحيحه و مطامعٍ صكت عليها النوابيح و تنافس المترديه و النطيحه ويقول الشاعر عبدالعزيز بن سدحان خل نفسك مطمئنة راضيه مرضيه ولا تعلقها بحاجة ما هي بمقسومه وإجلب (اللطف الخفي) بــأعمالك القلبيه الزهاب إخلاص قلب وجارحه معصومه يخسر اللي يرسم الخطه وابو عفويه يكسب بعفويته بالخطه المرسومه! فيه سرٍ يربط الحظ بصلاح النيه انشدوا عنه الوجيه السمحه المرحومه ويقول الشاعر عبدالعزيز بن سدحان كل حاجه ماشـيـه بأمــر الله وتدبيـره لا تـفـكــر بالأمـــور ولاتحـب وتكـره يتعب الانسان في شيءٍ يــروح لغيره وياخذ الانسان شيءٍ ما خطر في فكره وكلنا في درب واحد قدمنا تدويره بالزمان اللي يلف العمر لف المكره ويقول الشاعر عبدالعزيز بن سدحان ما دامنا نمشي على الأرض حيين ولا بعد صرنا تحتها هياكل بنبكي ونضحك و بتشين وتزين و بنجوع و بنضمى ونشرب وناكل ويقول الشاعر عبدالعزيز بن سدحان عسى التعب يا رحلة العمر مخلوف لو ما طلعنا من وراك بدراهم ما بارصدتنا منك غير اربع حروف ترادف اسم الطيبين و نباهم روسٍ تحط المال لطيب مصروف يصارفونه و الضروف تحداهم متعاهدينه لو تعرضهم ضروف ما كنه إلا واحدٍ من ضناهم ويقول الشاعر عبدالعزيز بن سدحان شوف المنازل عصير عروشها خاوية و آبارٍ معطله … و اعجازٍ بلا تمر حطت على القلب مضرب ميسم مداويه اربع و عشرين ساعة يصطلي بالجمر يا راوية خبريني ما انتي الراوية اللي رواياتها فيها تجارب عمر الجذع لو هزته بيدينها غاوية ما اهتز بيدينها و لا تساقط ثمر و الحمر ما استنفرت و القصورة ضاوية زين اللي القصوره ما فرت من الحمر ! و احيان ما تنفع الا شعرة معاوية و احيان و الله ما ينفع غير درة عمر ويقول الشاعر عبدالعزيز بن سدحان تنفس الصبح معها و أنبلج نوره و لا فيه طيرٍ على الأغصان ما غرد ياللي من النور مخلوقه و منثوره عجزت توصفك كل أبياتي الشرد حوريةٍ بالخيام البيض مقصورة و الا ملاكٍ تعيش بصرحٍ ممرد والا بشر مختلف بالصوت و الصورة انا علي اسألك .. و انتي عليك الرد ويقول الشاعر عبدالعزيز بن سدحان شاعر و من صغره براسه نعاره من قبل عاد يهيم في كل وادي ما كان لا عادي … و لا بـ أختياره إنه يكون إنسان ماهو بـعادي و لا في قرارة نفسه و لا قراره ولا في إعتقاد العالم ،، الاعتقادي دايم و الاشياء الملفته با انتظاره و لا يلتفت للي تطول الأيادي يقدر يخلي كل شي بجداره و يقدر يحصل كل شي بتمادي ! و لا هو رمادي بالمواقف شعاره لو تمشي الدنيا بموقف رمادي و لا هو حيادي و آخذٍ بإعتباره إن الشجيع الحر ماهو حيادي و هادي و متسامح و حافظ و قاره و لاهو بمتسامح و لاهو بهادي ! تقدر تولّع من عيونه .. زقارة و تقدر تخلي نار غيره رمادي و لا فيه غير المرجلة و السطاره الا اعتزازه بالقيم و المبادي ويقول الشاعر عبدالعزيز بن سدحان من كثر ما نسعى ورى حاجة الناس الناس تحسب عندنا كل حاجة يجون في عنق الزجاجة من الياس ونظهرهم ونقعد بعنق الزجاجة! ويقول الشاعر عبدالعزيز بن سدحان الصبر ماهو حل في كل الأحوال الصبر نوب يزوّد الطين بلّه اللي مثل صبرك على بعض الأشكال خاسرةٍ حتى من توالي الله لابد ما تجزع ليا صرت رجال وش حادك تصبر على كل عله ترى الصبر محمود في حال و بـ حال ترى الجزع محمود والصبر زله ويقول الشاعر عبدالعزيز بن سدحان العصير الشمس قامت تسرق الظل انسراقه والشفق دوبه يبين وبين نور وبين عتمه والسماء جنح الظلام الحالك يكفكف زراقه والقمر قرصه على خد السماء مرسوم رسمه قمت اسوق الجيب والطاروق بفنون السواقه ذاك لين اقطع به الطرقه وهذا لين اختمه ويقول الشاعر عبدالعزيز بن سدحان عن عيد الفطر شوفك عياد ايامنا العايديه وشلون عاد بشوفتك في ضحى العيد يا عيد كل أيامي السرمدية الماضية والمقبله دون تحديد وشلون ابشرح حالةٍ عاطفية لا زاد فيها الشرح تزداد تعقيد عمر الندى ما حس بالمزهرية لو تعرف احساسه على الورد بالبيد ! ويقول الشاعر عبدالعزيز بن سدحان كل حاجة ماشية بأمر الله و تدبيره لا تكلّـف بالحياة ولا تحب وتكره يتعب الإنسان في شيٍ يروح لـغيره وياخذ المرتاح شيٍ ما خطر في فكره وكلنا في درب واحد قدمنا تدويره بالزمان اللي يلف العمر لف المكره ويقول الشاعر عبدالعزيز بن سدحان الشعر من شانـه استسقيتـه الليلـه تشابكت فـي خيالـي مزنـه وسحبـه احيان من ضيقي استسقيـه واخيلـه واحيان لاجيت ابشرح حاجه اشرحبه وكـان الكتابـه عـن العشـق وتهاويـلـه ودروبــه الضـيـقـه وفـجـوجـه الـرحـبـه والحـب واجــواءه الـلـي مابـهـا حيـلـه وشعوره اللي بصدري ماقضـى نحبـه والـشـوق وجنـونـه وبـاقــي غرابـيـلـه والوصل والقرب والغيـره مـن الصحبـه وعتـاب الاحبـاب مـن ليـلـه لـيـا ليـلـه وعـذر المحـب لحبيـبـه لا تسـلـح بــه والمـوقـف الشـيـق بكـامـل تفاصيـلـه لا رحـت تفـرح بتحليـلـه وتـسـرح بــه والشارع اللـي وحيـف الريـح يحكيلـه لا هــب ســر الـهـوى كـنـه يصـرحـبـه يلـعـب بـاالاشـجـار يـامـرهـا وتثنـيـلـه والنافـذه مـن وراهــا عـنـه منسحـبـه والــبــرد والـلـيــل مـضـويــة قـنـاديـلـه والذكـريـات الحزيـنـه يــوم تـصـدح بــه لابــــد مـاتـبــدع الـكـلـمــه وتـرويــلــه احسـاس متوقـف بقلبـي ويجمـح بـه لاحـل فصـل الشتـاء يـبـدى بتفعيـلـه باالعـاطـفـه واتـمـسـى واتـصـبـح بـــه يــاجــر قـلـبــي عـلــيــه ويـاغـرابـيـلـه الموعـد اللـي جمعنـي فـيـه روح بــه روح ولا بـاقــي الا اتـلــى مـراسـيـلـه اعــرض حـروفـهـا قـلـبـي تـجــرح بـــه روح وان كـــل احاسـيـسـي تنـاديـلـه معـهـا وفـايــه لـيــا نـاظــر تـلــوح بـــه ظـروفـي المقفـيـه تمنـعـنـي اجـيـلـه وظروفه المقفيـه عيـت لا تسَمـح بـه ويقول الشاعر عبدالعزيز بن سدحان الشاعـر الـلـي مايمـجـد قـومـه نفسه قبل لـوم البشـر بتلومـه هذا وانـا شاعـر وابمـدح ربعـي بابيـات شعـر بالفخـر محكـومـه يشهد بهـا التاريـخ قبـل اكتبهـا عند العجم قبل العرب مفهومه افعالنا اللـي قبـل عصـر الدولـه وامانـهـا وحـدودهـا المرسـومـه نقـبـل وحـنــا رافـعـيـن الـبـيـرق عـن الـهـوان ارواحـنـا معصـومـه اهل العتامـه بالظفـر والسطـوه وقـوم ٍ تعادينـا ماهـي مرحومـه نـمـشـي وابـاعـرنـا لـيــا ربـعـنـا تارد على الما راضيه محشومه رح يـاردي الـعـرف وانـشـد عـنـا وتـفـيـدك الـعـريّـف بالمـعـلـومـه بــاولاد راشــد لا اعـتـزا واحـدنـا نـقــوم قـومــه مـاوراهــا قـومــه ونصير لجـل العـزوه مـن اقصانـا تقـول جـيـش لـدولـةٍ محكـومـه والابل مـن العهـد القديـم الاول نظفر بها على اساس السومه يــوم ان ثمنـهـا دمـنـا نشـريـهـا والمعركـه بحضـورنـا محسـومـه واليـوم نشريهـا بسعـر العمـلـه وفـزنـا بـهـا بمـزايـن القيـصـومـه يعني بكل الحالتيـن اهـل البـل والناس كلن راضـي بمقسومـه ويقول الشاعر عبدالعزيز بن سدحان جـو المطـر والـبـرد فـكـري سـروبـه مع لفح نسنـاس الشمالـي وراهـا كـن الشتـاء تنفـخ بجوفـي هبـوبـه نـــــار الـتــوجّــد واتــذكـــر غــلاهـــا ياوجد حالـي وجـد مـن شـق ثوبـه وجـد الهنـوف اللـي جداهـا بكـاهـا يـوم المـلا اغـلا عيالهـا حـولـوا بــه بالـحـفـره الـلــي لـحـفــوه بـثـراهــا تنظـر وكـل ماشالـت الرجـل صوبـه تـحـس بالـحـسـره وتـرجــع وراهـــا تقـفـي عـنـه نـوبـه وتـنـصـاه نـوبــه يـمـه وعـنـه تحـيـر وجـهـة خطـاهـا عليك ياللي مـن جمالـه…. عيوبـه يمشي مع البيض يتباهى بحلاهـا صـــارت عـلـيّـه ذكـريـاتـك عـقـوبــه وانا احسب ان القلب صد ونساهـا ومن الحنيـن الـروح جتـك مغصوبـه تسوقـهـا اللهفــه علـيـك بعـصـاهـا جت لك عقـب ماقالـت العـام توبـه عن الشقاء مستنجده في شقاها يا شمس ٍابطـت بالغيـوم محجوبـه مدري متى تشرق وتصفا سماهـا ان كـانـهـا تـرجـعـك نـخــوة عـروبــه تكفـيـن انــا روحــي تـزايــد بـلاهــا بـس لا يـغـرك يــوم جـتـك مغلـوبـه واصحا تـرى نفسـك بتلقـى جزاهـا وقلـب ٍلعبتـي بـه واخـذتـي ذنـوبـه ماهـو مسامـح عـن جـروح ٍكمـاهـا الا بـشــيء مـــن وصـالــك يـنـوبــه وينـسّـي الــروح الشـقـيـه عـنـاهـا
مرتبط
تصفّح المقالات
error: Content is protected !!
