الشاعر مرشد البذال الرشيدي
قصة و نبذه ومعلومات وسيرة حياة الشاعر الكويتي مرشد البذال الرشيدي
من هو الشاعر مرشد البذال الرشيدي
هو مرشد سعد بن بذَّال الرشيدى شاعر كويتي من أبرز شعراء الخليج.. علم من أعلام الشعر الشعبي وإحدى مدارسه.. طرق جميع جوانب الشعر وبحوره، وأبدع وأجاد فيها.. عاصر فطاحل الشعراء أمثال صقر النصافي وسليمان ابن شريم.. وله مساجلات شعرية مع كبار الشعراء ومنهم الشاعر الأمير محمد بن أحمد السديري وكذلك الشاعر زبن بن عمير العتيبي رحمهم الله جميعاً
شاعر يتميز شعره بالسهل الممتنع والعمق في معانيه.. يغلب على أشعاره طابع الحكمة وكذلك الغزل العفيف.. له باع طويلة في شعر المحاورة ونجد في قصائده الكثير من تاريخ الكويت قبل مرحلة النهضة وبعدها فالشاعر مرآة عاكسة لبيئته الاجتماعية والسياسية والنهضوية
نسب واصل الشاعر مرشد البذال
اسمه بالكامل مرشد بن سعد بن صالح بن منصور بن مطلق بن منصور بن سلمان بن بذال بن شميسان بن سليمان بن مطيول العجرمي الرشيدي
ينتمي الشاعر مرشد البذال الي عائلة (البذال) نسبة إلى اسم الجد (بذال) من المطاولة ويرجع نسبهم إلى فخذ العجارمة من قبيلة بني رشيد أو الرشايدة وهي من القبائل المشهورة بالكويت والي تكون جزءا اساسيا من سكانها وقد كانت مهنة جده التجارة اما والده فكانت مهنة الغوص بحثا عن اللؤلؤ في زمن كانت حياة الكويتين فيه تعتمد على الغوص والتجارة قبل ان يفيض الله تعالى على هذا البلد من خيراته الواسعة التي ينعم الجميع بها اليوم في ظل نهضة شاملة عريقة.
حياة الشاعر مرشد البذال
ولد مرشد البذال بالكويت في حوالي سنة 1329هـ الموافقة لسنة 1909م وشب كما يشب زملاؤه في ذالك الحين ولما بلغ الثامنه من عمره ارسله والده للملا زكريا ليتعلم على يديه مبادى القراءة والكتابة ولما اخذ قسطا من التعليم انطلق الى الحياة العامة واخذ نفسه بما يأخذ به اقرانه في ذالك الحين بحثا عن الرزق فعمل في الغوص مدة كبيرة ثم لما انتهى من الغوص جعل يزاول البيع والشراء الى ان عمل موظفا بحكومة الكويت وعندها استقرت نفسه وهدأت حالة واخذ يقول الشعر منطلقا في كل ناحية وفي كل غرض من اغراضه.
ولقد بدأ البذال يقول الشعر وهو في حوالي الثامنه عشر من عمره وتأثر بعدة من الشعراء المعاصرين له امثال الشاعر سليمان بن شريم والشاعر صقر النصافي وعبدالله بن غضاب وعبدالوهاب النجدي ومحمد بن عبدون النجدي وعدة من الشعراء الحالين فكان يحاكيهم تارة ويحاورهم اخرى الى ان برزت شاعريته وصقلت موهبته فأخذ يقول الشعر منفعلا في ما يجول في خاطره متأثرا بما يراه ويشاهده في مجتمعه فنراه يصف رحلات القبائل وحياة القبيلة وصفا صادقا خلابا يجعلنا نعيش مع القبيلة في حلها وترحالها والحياة الاجتماعية الي تسودها وتعاون رجال القبيلة معا في سبيل خيرها وسعادتها وكيف ان الرجل الشهم الشجاع يجلب لي قبيلته المجد والعز والسؤدد وان الرجل الجبان الرعديد قد يجلب على قبيلته الخزى والعار.
ثم يلتفت الى مجتمعه الواسع الذي يشمل القبيلة والمجتمع الحضري فنراه يحض الناس على التمسك بالفضيلة والخلق القويم كالتسامح والبعد عن البغضاء والشحناء ويدعو التعاون والتودد وان يكون الناس سواسية واخوة متضامنين متصافين وان العمل الطيب خالد لا يزول وان العمل السئ يظل يذكر به صاحبه.
ولذا نرى ديوانه خاليا من الهجاء ومن التحامل على الناس والكيد لهم ولاعجب فنفس الشاعر نفس صافية رضية هادئة لاتكن الا الحب للجميع والا العمل على ازالة اي خصام يقع بين الاخوة فهو دائما يشبه مايقع بين الاخوة بأنه سحابة لاتلبث ان تهطل بالخير العميم على الجميع.
ولاتخلو قصائد الشاعر مرشد من ايراد الحكم والمواعظ يلقيها على مسامع الناس ليفقهوا مافيها من حكمة واعية ويستوعبوا مواعظه وارشاداته وما يدعو اليه من دعوة الى الرشاد وحث على التمسك بجيل الشيم وعظيم الخصال ثم نراه في قصائده يساجل الشعراء المعاصرين له ويحاورهم ويراسلهم في اسلوب رائع وقالب رصين.
ولم ينس شبابه حق الهوى والشباب فنراه يقول في الغزل فيبدع ويأتي بأرق العبارات وأسماها الا ان شعره في التشيب والغزل كان عفيفا طاهرا بريئا من هفوات الشباب وشحاطتهم بعيدا عن نزقهم ونزواتهم.. وهو لم يتكسب بشعره ولم يبذل وجهة شأن الشعراء المتكسبين بشعرهم الذين جعلوا همهم من نظم الشعر جمع المال والارتزاق به بل كان شعره ينبع من ضميره ومن وجدانه انفعالا بما يراه وتأثرا بما يحس به كما اننا نرى له مراثي مبكية مثيرة للدمع مثيرة للشجن تصور وقع الفاجعة وهول المصاب في رثاء بعض الشيوخ الراحلين وبعض الاخوة والاصدقاء فنرى صدق العاطفة وقوة اللوعة ومقدار الألم الدفين الذي ألم بشاعرنا عند فقد بعض الشيوخ والاحبة الراحلين.
وبالجملة فأن مرشد البذال قد أبدع في كل غرض وبرز في كل ميدان من ميادين الشعر فهو صاحب العطاء الشعري الكبير فهو بشعره يقف في صفوف كبار شعراء النبط حيث أنه قدم إنتاجاً غزيراً جداً لم يسبق لشاعر قديم أو محدث أن قدم ما يماثله من حيث الكم والجودة وسمي بشاعر الجيلين فقد كان في مقدمة الشعراء القدماء والجيل الحديث وهو في المقدمة ولا يستطيع الباحث أن يحدد بالضبط اتجاهاً معيناً لشاعرنا قد برز فيه أكثر من الاتجاه الآخر فهو بالغزل قوى لدرجة تفوق الوصف وكذلك في المدح والحكم والنصح والإرشاد وغير ذلك من أغراض الشعر النبطي المختلفة التي كتب فيها وبلغ حد الإبداع في كل غرض يطرقه وقد أسهم شاعرنا مساهمة فعالة في مسيرة الشعر النبطي بالكويت حيث أشرف فترة طويلة على برامج الشعر النبطي في إذاعة الكويت وكان مسئولاً عن كل ما يذاع بها نظراً لخبرته الطويلة في هذا المجال و كان شاعرنا شاعر قلطة ينظم الشعر المرتجل ويقف أمام كبار شعراء هذا الفن حتى أصبح قمة من قممه لفترة طويلة من “طواريقه” بالقلطة هذا اللحن العسير من نوع الاختبار كما تحول شاعرنا للشعر المنظوم المكتوب وبرع فيه وامتاز “بالمطولات” من القصائد التي كانت الإطالة فيها لخدمة المعنى وعالج بشعره مختلف شئون الحياة مجسداً بذلك دور الشاعر في خدمة مجتمعه من خلال التعبير عن آمال وآلام وتطلعات الشعب وكانت له نظرته الخاصة النافذة وله فلسفته بالنقد الاجتماعي البناء ووضع الحلول المناسبة للموضوع قيد المعالجة وذلك كله بقالب شعرى مميز كما برع الشاعر في الكثيرمن قصائد المدح والوطنيات وأهازيج العرضة الحربية
بعد وفاة الامير الشاعر محمد الاحمد السديري طابت نفس الشاعر البذال عن الشعر واصبح مقل جدا كما ذكر في احد الحوارات
عمل مختار للرابية سنوات طويلة بعد تقاعده من عمله الرسمي
لقب مرشد البذال
يلقب بشاعر الجيلين لأنه عاصر فترتين مختلفتين من الشعر الشعبي في الخليج
ديوان الشاعر مرشد البذال
له أكثر من ديوان حيث بلغت مجموع دواوينه الشعرية ستة دواوين عبارة عن أجزاء وضمت من روائع الشعر النبطي الشيء الكثير و ضبطه وشرحه عبد الله ناصر الصانع وطبع في مطبعة حكومة الكويت 1973م
تكريم مرشد البذال
تم تكريم الشاعر مرشد البذال من قبل حكومة دولة الكويت جيث تمت تسمية أحد المدارس الحكومية بأسمه على مدرسة ثانوية في منطقة الرحاب واصبح اسمها ثانوية مرشد سعد البذال للبنين
أقيم للشاعر حفل تكريمي كبير في تاريخ 13/5/1985م ونظمه السيد حسين ذياب مدير مكتب وزير الدفاع واقيم الاحتفال في قاعة فندق حياة ريجنسي بالكويت
صورة من التغطية الصحفية لحفل التكريم
مقابلة صحفية مع الشاعر مرشد البذال قبل حفل التكريم
تاريخ وسبب وفاة الشاعر مرشد البذال
توفي مرشد البذال توفي بتاريخ 27 أبريل لعام 1990م الموافق ثاني ايام عيد الفطر سنة 1410 هـ بعد معاناة طويلة مع المرض وقد نظم قصيدته الاخيرة وهو علي فراش المرض في غرفة الإنعاش في بالمستشفي
ديوان قصائد الشاعر مرشد البذال مكتوبة
كتب مرشد البذال اكثر من 800 قصيدة اثناء مسيرته الشعرية ولضيق المساحة سنورد عدد من قصائده في مختلف الاغراض الشعريه
نبدأ في آخر قصيدة كتبها مرشد البذال وهي قصيدة في المستشفى يرثي فيها نفسه
يحول أظن الحق جتني طروشه
جتني مطاليبه وانا عنه منحاش
اليوم كن بداخل الجوف هوشه
مثل اختراش الزلم في داخلي جاش
يالله عسى عفوك ولطفك نحوشه
يالله بحسن الخاتمة عند الاقراش
دنياك لو تعطيك زين المعوشة
تالي عوايدها تعود على ماش
ياما خذينا باول العمر شوشة
وياما مشينا مع مظاهير ودباش
في خايع وبل الثريا رشوشه
نجني الزبيدي في صحاصيح ودشاش
وياما جلسنا مع مرودع نقوشه
في سهلة ما حدرنا زل وفراش
في وسط روض مخضرات خفوشه
نبته جديد ومبعدين عن الطاش
خلي يكلمني بنفس هشوشه
بس العجوب وعرضه انظف من الشاش
نبنوب لاخبله ولا بمخروشه
عنق الغزال مذيره زول حشاش
لاشك من طول الغياب محشوشه
تونس معاليق من الهجرعطاش
اسرار في وسط القلوب مخشوشه
بين الثنين ولا درى عنهم الواش
ربعت وفا والا السلب مانحوشه
ماني لوجه معذب الحب خماش
واليوم مالي مع هل الصيد نوشه
عطيتها غيري بلا غير ببلاش
عند الطبيب وصارعندي وحوشه
ومن الاقامه صابني خوف وخراش
هالحين شفني نايم عقب دوشه
اصلب عضامي وكن بالحيل هشهاش
خليت ديواني وبيتي وحوشه
واليوم شفني ساكن دار الانعاش
والنفس ضاقت عقب ماهي بشوشه
مثل المقيم اللي على نو مطراش
امطـرفٍ بالبـاب قـشـه ونـوشـه
ينطر خويـه بيـن هجـده ومغبـاش
واليوم مالي مع هل الصيد نوشه
عطيتها غيري بلا غير ببلاش
عند الطبيب وصارعندي وحوشه
ومن الاقامه صابني خوف وخراش
هالحين شفني نايم عقب دوشه
اصلب عضامي وكن بالحيل هشهاش
خليت ديواني وبيتي وحوشه
واليوم شفني ساكن دار الانعاش
والنفس ضاقت عقب ماهي بشوشه
مثل المقيم اللي على نو مطراش
قصيدة قالوا حكوا بك قلت وش هم يقولون؟
قالوا حكوا بك قلت وش هم يقولون؟
وش قيل فينا يالوجيه الفليحه
شوفوا مرد الهرج وش هم يطرّون
حتى نعرف مزوّره من صحيحه
كان الكلام من المعادي على هون
بعض المسبّه بالمجالس مديحه
تجيه عربانٍ من الله يخافون
عن الظليمه ينصحونه نصيحه
لو كل خلق الله على الحق يمشون
كان القلوب من الخطا مستريحه
كم واحدٍ بعروض الأجواد مفتون
وهو سلومه يفضحنَّه فضيحه
وكم واحدٍ يطعن وهو فيه مطعون
يذم ريح الناس والشين ريحه
بعض كلام الناس تهمات وظنون
قولٍ تنميّه الوجيه الوكيحه
والظلم لو فازوا هله ما يدومون
راع الظليمه لاتباطا مطيحه
والناس هذا الناس من عصر ذا النون
كلٍ على دربه ركابه مشيحه
مقرود يا من بدّل اللون باللون
بعض الكلام يحرّفه عن صحيحه
والصدق هو والكذب ما هوب مقرون
كان إنها تدرس بلهجة فصيحه
ما يمدح الرجَّال بالشكل واللون
ابحث معه لينك تعرف القريحه
تراك تعرف عنه وأنتم تهرجون
يبين لك من كل جودٍ نضيحه
المستريح اللِّي من الشك مأمون
مع كل خلق الله علومه مليحه
حيٍ عليه الناس بالشكر يثنون
وإلا توفّى خله (الله يبيحه)
وكم واحدٍ لو هو بالألحاد مدفون
ذكراه عند الناس بيضا صفيحه
وكم واحدٍ يجمع ملايين وخزون
مالٍ تنميه اليدين الشحيحه
لا تشكره رملاء ولا فك مديون
ولا حل مشكلة النطيح ونطيحه
ولا له على جاره من الفضل ماعون
لو أن جيرانه تشوف الذبيحه
وكم واحدٍ جيران بيته يحمدون
للجار ريف وللجماعة منيحه
وكم واحدٍ منه العوادي يخافون
زبن المخيف اللِّي كثيرٍ فحيحه
ربعه نهار الضيق فيه يتذرّون
لاجا نهارٍ فيه لجّه وصيحه
وبعض الرجال بهم شريفون وعفون
كلٍ على ما قال يرجع لكيحه
وبعض الرجال بضحكهم يستغلون
يجيبها من نوع زلقه بطيحه
هذاك بيِّن له من الهرج مدفون
خلّه إلا شافك يزيّن سميحه
الهرج له نقَّاض والرد للشون
مزح الجزع يأثر بكبدك جريحه
هذا وأنا ماني من الناس ملسون
لاشك أنا أرفض من تزايد جميحه
قلته وكل الناس غيري يقولون
راعي الظليمه لاتباطا مطيحه
قصيدة قال منهو في حسب رايه يشير
قال منهو في حسب رايه يشير
بالهدايه واجتناب المعصيات
العباثه والجهل ما فيه خير
الهدايه نور والجهل اظلمات
ما يصير ان العمي مثل البصير
اسمعوني يا القلوب الواعيات
العمي ما هوب عميان النظير
كم عمى قلبٍ اعيونه صاحيات
لو تشوفه شايبٍ سنه كبير
يمكن افهم منه ابو عشر سنوات
وان نشدته قال مدري وش يصير
ما درى بالماضيه والمقبلات
والليالي لو تدير وتسدير
ما يثبت وين راحت وين جات
والشرف ما ينحقر عنه الصغير
كم اصغار ينطحون الموجبات
كم صغيِر يقتدي فيه النشير
وكم كبيرٍ صار من عرض الخوات
لا تقول ان المراجل للنضير
ما يفيد النظر كان القلب مات
ولا تقول اني غني ولا فقير
استعبري يا النفوس الموهبات
ما لك الا ما كتب لك لو تطير
الوهايب بالجبين امقيدات
والرسول افتي لنا فيما يصير
بس ما يجزم على خمس كلمات
الاجل والرزق والرحم الستير
وخبرت الساعه وقطر الناشيات
علمهن مع واحدٍ ماله وزير
رحمته تكسي العظام العاريات
قال مات افلان من طيحة ابعير
او رموه اعداه في بعض اطلقات
او سبايب موتته واقع ابير
او غدى وسط البحور المضلمات
لا حشى هذا السبب والموت غير
مير مذكور السبب قبل الوفات
لا محبٍ يحيي العمر القصير
ولا عدو يقتل اعمار طايلات
لو نواك ابسلت السيف الشطير
يمكن الله يمنعه قبل الهوات
ينصرف ويرد سيفه بالجفير
ياخذ السايه ويعطيك احسنات
كل شي له من المولي دبير
والحوادث والسهوم امدبرات
لا تقول ان المرض هذا خطير
كم مريضٍ سلم ومباريه مات
والقدر وان حل مافاد الفرير
لو على بابك اقفولٍ امغلقات
المنايا ما تطرش لك نذير
غارت الدنيا توجه بغفلات
ما تعلم وين نيتها تغير
عند ما تدرون هاك الفعل فات
ماذكر ايحول للدنيا عشير
ولا صفت لاحدٍ علي طول الحيات
واحدٍ تعطيه من غير اتغدير
واحدن تسلب اثيابه والعبات
اللسان اهو اكبر الشر الشرير
كم كلامٍ صار شبة مشكلات
والحيا والمرجله دربٍ عسير
واجتناب النفس عن كل اشهوات
لا تطيع النفس وابليس العثير
ارجم الشيطان في سبع احصوات
كان طعت ابليس خدرك تخدير
حط في عنقك اعقود امبرمات
خدرك بالنوم من فوق السرير
رايه ان النوم خير من الصلات
اهجر الشيطان حيث انه هجير
واكتسب بعض الامور المرشدات
الرجال اشطار كان انك شطير
كان الك دوره لهم سبع ادورات
لا تقول اسبق علي العد الغدير
ان جهمت اركاب غيرك ساريات
تم قيلي وذكر الله وستجير
عن خطا نفسي ودرب المعصيات
قصيدة المعجزة
من قصائد الشاعر مرشد البذال الرشيدي قصيدة تسمى المعجزة اي انها من إعجاز الشعراء قصيدة صعبة القافية والمعاني ونستذكر بها اصالة الشعر الحقيقي بكل ما يحويه من ابداع
داج الظلام انزاح والنور له ضوح
نور الصباح مضيح والليل زايح
مالي هوى بمزاح والقلب ملدوح
فكري من التلميح غادٍ شلايح
كني على لفاح غصن ٍ بلحلوح
قاعة حزوم وشيح وأرضه كلايح
يا مشغل المرتاح بسك من النوح
ورق على التطويح… ما هي شحايح
يا من طربك انياح كدرت مجروح
طربٍ وهو تفويح جوفه جدايح
صفقت راح براح لحت النحر لوح
لوحة يتيم ٍ ليح دمعة سبايح
يالقلب وطرك راح ما ظن له قروح
اليوم بالتشبيح مالك صلايح
يوم الدروب سماح والدرب مفتوح
بديت في تفصيح قولٍ صحايح
أخذت لي مشواح باسرار وفروح
ركب الغرام مشيح هجنه طفايح
لي بالهوى ميلاح والهم مكسوح
وموقع تصحيح حب الملايح
قلبي كما الملواح بيدين طاروح
من كثر التلويح رزقه توايح
السد ما ينباح من غير ساموح
واللي زرّى بفريح خله يصايح
يلومني من كاح شين اللغى كوح
خبلٍ عطى تسنيح جاك امتدايح
تسلي الأرواح زاح الكدر زوح
حبٍ بلا تبريح ما به بجايح
لو الهوى ذبّاح له ميل ورجوح
ولا حدٍ يعيش مريح والعمر رايح
واليوم لي مصفاح عن ورد وسروح
الجهل هو تلقيح غرس القبايح
يوم الموقر لاح أنا وين ابروح
بديت بالتصليح والله يبايح
كيف الحول ياصاح في عذلة الروح
شف لي هدف ياشيح ذرب النصايح
ماكتب بالألواح ماهوب ممسوح
اليوم هو توضيح عطب الجرايح
من عاش بالأفراح لا بد من نوح
ساسٍ بلا تسليح خطر اللوايح
والعقل هو مفتاح بيبان مصلوح
وينزحك تنزيح عن كل سايح
عن ربعة السفاح يالقلب منصوح
لا تتبعه وتطيح ما به ربايح
مثلك ليا من طاح خلاه مسدوح
أترك ردي الكيح زين السنايح
زبن الرفيق شناح بالطيب له نوح
من ورد عين السيح عاف الضحايح
نفسه على الأمداح قد شاحها شوح
ذكره مع أهل الفيح وأهل البرايح
خله وراك سناح عن كل كاثوح
ينجّحك تنجيح رجل المدايح
كانّه بكرب شباح للضد ذرنوح
صميدع زحزيح عطب الجوايح
ليا عدّي المياح في جانب الصوح
كان الروّي تشنيح للدلو مايح
كسب الفخر بكفاح وان طرد الفوح
خيالة التصفيح راحوا قمايح
من جاكر الارياح والغزل منطوح
غلبت هبوب الريح في ضرب لايح
ترى القشر فضاح راعيه مفضوح
جعله معه تسريح لاقصى التنايح
دايم وهو نباح والجيب مسروح
ثوبه من التطبيح غادٍ سرايح
لا تستوي قداح لو كان بمزوح
ما فيه هبت ريح مزح الفضايح
من للملا جراح لا بد مجروح
جلده من التجريح غادٍ صفايح
واحذر من اللحاح تراه مشفوح
لو كثر التسبيح ما من فلايح
ناسٍ بثوب صحاح والفعل مكبوح
تنهى عن التوكيح وهي الوكايح
قصيدة خل الهوى ياللي عليك الهوى دار
خل الهوى ياللي عليك الهوى دار
عاكس هواك ودار بالوجه شلـي
ماعاد تنصى لو تخايـر تخايـار
سفينتـك ماعـاد تقـدر تعـلـي
وينك ووين مدني اليوش باشـار
عدل هبوبـه والشـراع متعلـي
هبوبهم غالي السفاديـر وكبـار
وأنـا بجيـدي محملـي مايملـي
ليت الليالي الغبر يعطني إنـذار
كان أتودع من ليال مضـن لـي
لاشك راحت هاك الأيـام تذكـار
تذكـار وإلا ذوقهـن ماحصلـي
واللي فقدت من الحلاوي والأثمار
مادامت لغيري لجل تتصـل لـي
ياالقلب هود واسترح صار ماصار
اللي مضى ياقلـب خلـه يولـي
اليوم لو تمشي على هاك الآثـار
تراك مثل اللـي مشـى مايدلـي
يوم إن لي في موسم الحب مقدار
وأنا لي الوقـت العقيـد متحلـي
ياما تبادلنـا المحبـة بالأسـرار
مع كل مجمـول كلامـه يسلـي
وياما عنـى للـي حوالـي زوار
مـن جيتـه جيراننـا مايمـلـي
يكسبه بـس المطالـع بالأنظـار
واشارة منهـا الحشـا يستخلـي
واليوم شفت من المحبين تغيـار
مجيهم ماهو غـلا حشمـة لـي
حتى الحبيب اللي لناكان مختـار
مجنب غيري وأنـا صافـي لـي
اليوم أشوفه عقب ذاك الوفا بـار
الله وأكبـر ماأسـرع انكارخلـي
بدل حبيبي مشرب البرد بالحـار
وأشغل فواد مـن عنـاه متخلـي
وخلى طبيب الحب بدواي محتار
ياوين أبا ألقى للمحبـة دوى لـي
والصاحب اللي بدل الحلو بأمرار
يمكن جفاه وصدتـه خيـرة لـي
وصية مرشد البذال وقصيدته في عياله قصيدة يالله يارب الضعوف المساكين وهي عباره عن وصية اب إلى ابنائه….
يالله يارب الضعوف المساكين
ياللي لك المخلوق يحسن صلاته
تستر على غوش صغار مكفين
أكبرهم العارف دليله عصاته
لا ياعيالي كل أبوكم حبيـبـين
عندي وعند الناس كلن وذاته
عندي غلاكم يدفن الزين والشين
وعند العرب كل تشاف خملاته
ياعبيد انا خابرك ورع لهالحين
داو بغبات الجهل وظلماته
لا شك علمي لك محبة وتفطين
تسمع الوالد وثبت وصاته
ياعبيد انا بوصيك مني بثنتين
ثنتين هن سو البشر وحسناته
انذرك لا تبحث سدود المغبين
لا تجهر اللي غارق بغفلاته
ترى النميمه تمحق الرزق والدين
والمنزل العالي تهدم طبقاته
لا تحسب أهل الظليمة بخيتين
كل يوافق ما عمل في وفاته
وانذرك عن حق الضعيف المسيكين
اللي على حقه يهل عبراته
ترى الضعيف لا غدى الليل ليلين
يدعي وعند الله توافق دعاته
الظلم فان الظلم يفنى السلاطين
ياويل راع الظلم من مقبلاته
وانذرك عن ربعة رخوم هياسين
اللي سوالفهم بوده وهاته
ياعبيد الاقشر لو صفى لك نهارين
ثالث نهار جاك يرفع قناته
والله يا عندي ربعة الناس الاقصين
ولا صديق يبلشك في حياته
ترى الرجال بهم فهود وحياوين
جاك الكلام اللي صحيح ثباته
وان كان ماتدري ترى الناس دارين
الرجل مدحه بالمجالس طراته
رجل تعلق به رجال مسمين
عز الرفيق ولابته ولحماته
ورجل تشوفه جسم وعيون ويدين
ولولا الشعر ماتفرقه عن خواته
كم واحد في البيت يضرب بسيفين
وان جا حزم كلاب يكبع عباته
والحلم عند الغيض ينحى الشياطين
يكفيك شر ابليس هو ودحراته
قصيدة شف ماترى ياقلب واكتـم سـدودك
شف ماترى ياقلب واكتـم سـدودك
عن واحد ياخذ سـدودك ويشنـاك
خلك على الدنيا تعيـش بسعـودك
مالك غرض في عرف هذا وهذاك
على الخطايـا لاتقـوي جهـودك
العقل زين وسامـح اللـي تحـداك
ترى التسـرع بالخطـا مايـرودك
إلا بفعـل يخلفـك عـن نـوايـاك
لا تخلي الشيطـان دايـم يقـودك
ان طعت راي ابليس للشيـن وداك
خلك من الدنيـا نظيـف جـدودك
محد لسانـه فـي غيابـك تقفـاك
وليا مشيت الحق واجـد شهـودك
وليا هرجت الحـق كـل توحـاك
لا بد مـن يـوم تقضـي حـدودك
لا تخلفك دنيـاك والموعـد هنـاك
خلك ليا قضيـت تذكـر عهـودك
لا بد ما ترحـل وتقفـي مطايـاك
خل الذي ينصـى محلـك يـرودك
اليا شكى غيـرك تذكـر سجايـاك
خـل الفهامـه والعدالـه تسـودك
وليا حكمت الحق لا تظلـم إعـداك
بعض المصالح للمعاصـي تقـودك
وبعض المصالح يشهدن في خطاياك
الشاعر مرشد البذالي عمل في الغوص لمدة طويلة من حياته رحمه الله. و قد قال هذه الأبيات الجميلة يصف فيها حال الغواصين وشقائهم
أشهد أن دنياي ماجت في عدال
زودها إنا كل عام ترذلون
ذوقتنا الكدر من عقب الزلال
وعلقت رمحينها بين المتون
خمسة أشهر ماقعدنا بالظلال
كود ظل اللي به العاف إمخزون
في تصاريف الحجر هي والحبال
وإن قضوا ذولا هذولا ينزلون
قالو إن الصبر تقنية الرجال
غرهم شيل الجلادا والمنون
يامسولفين السوالف بِلْعدال
أثركم فينا حكيتوا تكذون
أشهد أن الصبر تقنيه الجمال
كلما حطوا عليهم يحملون
يردون الموت في كل الأحوال
غير ذلك والسكارى يضحكون
واعذابي الموت في كل الأحوال
أشهد إن الغوص راعيه إمغبون
كلما كمل هلال جا هلال
من محاتاهن يشيبن العيون
أربعة جرد نكملهم كمال
لين يكمل حتنهم ويقفلون
يالنشاما ياكريمين السبال
كل كونٍ غير كون الله يهون
بد من يومٍ تشوفون العدال
عقب مارحتوا جنوب ٍ تشملون
قصيد للشاعر المرحوم مرشد البذال رحمة الله يصف فيها معانا الغاصة ويتطرق بها عن عملية الكيل للمحار حيث كان رحمه الله يعمل غيصا وكان النوخذة يأمر “المجدمي” رئيس البحارة وأسمه دخيل أن ياكيل كل ليلة ويذكر شاعر الكويت رحمة الله ان الكيلة ” الجيلة ” اتت في وقت كسا د القماش وأنها مكروة لدي الناس قديما وقال قصيد ” الجيلة هذي مكروهة ” وهي كتالي :
واعذابي شابت عيني
واللي شيبها دخيل
لي جاءالليل وصوتوا له
يود جفيره يجيل
إليا شد الخيشة نفضها
ويخلي الوايد جليل
يأ دخيل مـأ تخيل
ماعندك راي أو دليل
وين السافل وين العالي
بينهم فرق طويل
راعي السافل ياكل قفر
وراعي العالي ليله ليل
لى هدوا يكرض وراهم
مثل المجنون الهبيل
إن اعترض تنحروا له
وان طلع عورة الميل
والله مايترس جفيرة
ولو حيلة حيل فيل
والنوخذة فوق الفنة
في كلامة حط وشيل
لاشك إنا مانلومه
يلبح من قبل الحصيل
يانوخذانا إنزل ويانا
احضر في ميدان الخيل
خل القرشة والزولية
والنومة فوق الكشتيل
إصلب روحك بين الغاصة
وإركد بالهير الطويل
لوتطلع دينيك خالي
قالوا زيد وبيدة حيل
إما تجي غيصِ ٍ طيب
وإلا تنكل ما يحيل
الجيلة هذي مكروهة
ماجت في وقت جميل
الرجال إيحاتي عمرة
ومحاتانا من الليل
إلياجا المحارة سحرها
ويحسب اللي بالزبيل
قصيدة الرجال طيور توصف للحرار
الرجال طيور توصف للحرار
كل طير في جناحينه يطير
وين طير يحتريله كل جار
وين طير مايصيد إلا الشعير
لو تقول إن الشجاعة بالطيار
كان فضلنا القطاه بما يصير
وين طير وإن هوّا شق الستار
وين طير يذعره صوت الصفير
النداوي له على الصيد اقتدار
والحمامه بالمحل وتستدير
وإن جهلت الزين والجنس الدمار
انشد اللي في معرفتهن خبير
أخذ لك مني كلامن باختصار
فرق بين الصوف من سلك الحرير
فرق بين الحب وأنخال الشوار
أصلهن واحد لاشك الذوق غير
ربعة الطيب تزيدك بانتصار
ترفعك رفع العمد بيتن نظير
والردي عرفه مثل بير هيار
تنقبر فيها ويدفنك الحفير
حقة الطيب تجيك من الفقار
والردي يعطيك كرسوع البعير
لا ترابع واحدن بالعهد بار
وإن وفى له مرة خيره كثير
التجارب خلها لك مستشار
لاتبي غير التجارب لك شوير
لاتجي مدخل يدينه بالخبار
مالقى صيده لقى دابن ضرير
والرجال إبهم فهد وإبهم حمار
وأنت فكر بالفهود من الحمير
وانت في دورك عليك الدور دار
لاتحسب إنك مخلا يالفقير
وقر العالم وتلقى لك وقار
وإن حقر حقرت لوك ابن أمير
والشرف لا يستوي فيه انهيار
الشرف هو مقضب السيف الشطير
والقناعة مرجلة والضعف عار
وأطلب النجدة من الوالي القدير
لاتجي للناس طلباتك إكثار
كل ديوان تجي يمه مغير
ما خبرنا بأهل الشحذه تجار
غير فقره كل نفس له تعيير
خل عز النفس للعوره ستار
لو فراشك في طرف بيتك حصير
وأنت للعوده من الله بانتظار
واحدٍ ماله وكيل ولا مدير
مدة الله تمتلي منها النقار
تجعل الغدران بالملزم تحير
يجعل الوادي مريف بالخضار
عقب ماهو يابس قشعه هشير
الكريم معان والفارس مجار
مدّي الواجب ونطاح الذخير
الغنى بالذل مذموم مرار
والفقر بالعز لأمجادك يثير
طربة الدنيا مثل لعب القمار
لو جمعت المال شفت تالي المصير
لو جمعت من الذهب حمل القطار
عند نزع الروح ما أنت بله دبير
صار بين الوارثين بلا مشار
ينعزل حق الكبير من الصغير
وأنت حقك خامتن عشرين وار
ذيك هي حقك ولا فيها خشير
فصلوا منها الكفن هو والوزار
اقرشوا بك يم مثواك الأخير
واسدحوك بحفرة في وسط غار
يطردك منكر وقدامك نكير
واهني اللي مشى طلق شكار
سالم من ظلم عمر ومن عمير
لوّه بالدنيا بحلاّتٍ إعسار
يرتجي بالآخره فرحة نظير
من رحمة الله وقبلن العذار
رحمة الله تغفر الذنب الخطير
والأثيم من الصراط أقرش وعار
وإن سلم من ويل طاح بزمهرير
يا إلهي كان ما فيّ إقتدار
ألتجي في رحمتك وأنت المجير
الشباب أقفى وأنا بآخر نهار
وأرتجي فزعتك يا نعم النصير
قصيدة اليوم انا مريت لى ربع عجمـان
وقصتها كان العجمان جيران للشاعر الكبير مرشد البذال فى الكويت شافهم يشغلون سياراتهم فى الصبح فسألهم وين رايحين قالوا بنروح نسلم على الشيخ وامير قبيلة العجمان : راكان بن ضيدان ال حثلين فى ضيافة الشيخ : جابر العلى الصباح حيث انه عازمه فى قصره فقال مرشد انا خويكم ابى اشوف الشيخ راكان واتعرف عليه حيث انه لكم وله مكانه كبيره عندى ولما راحوا وسلموا عليه اعجب فيه الشاعر مرشد البذال وقال هذه القصيده وابو ضيدان من الامراء الذين اشتهروا بالفطنة وبالطيب والجود خلال عصر السبيعنات والستنينات… :
اليوم انا مريت لى ربع عجمـان
مستانسيـن وبالخبـر مستهميـن
ربع لنا بالعون ماهـم بقشـران
وافين فى كل المعانـى وذربيـن
قلت الخبر قالوا نبى الشيخ راكان
اميرنا وابـن الفهـود المسميـن
مشيت معهم مستهـم وعجـلان
حق على زيارتى لابـن حثليـن
لقيت لى رجل من العقل مليـان
رجل من فهود الرجال الذكييـن
الرجل يأهل المعرفه قلب ولسان
وبشارة تبقى على العسر والليـن
وان كان فى راكان طابن الاظنان
ما هو كثير مسنع بيـن جديـن
هذى زيارة خير يا نسل ضيدان
اقولها مسرور من خاطر زيـن
اقولهـا ماهـوب زور وبهتـان
الرجل له عند اهل العرف تثمين
امير يام مهديـة كـل شيطـان
زينيين للصاحب وللقوم شينييـن
من فضل ربى كل ابونا بميـزان
الله يثبتنا علـى الحـق والديـن
فى فضل ابو سالم هلا يا قهيدان
اللى حمانا من جميع الشياطيـن
فى نعمة عشنا شبـاب وشيبـان
نشدى لزرع ناعم فـى بساتيـن
من قال له قول على غير وكدان
يفشل الى منه حكى فى الدواوين
وانا حكيت الحق والحق وجـدان
الشاهـد الله والمخاليـق داريـن
قصيدة ياناس راع الحب لو قال أبا أتوب
ياناس راع الحب لو قال أبا أتوب
تــراه مثل الطفل نفسه رديّهْ
لا شاف من يظهر له الهرج مقلوب
تطــري عليه أيامــه الأولــيّهْ
«يكسر كما يكسر علي التتن شاروب
عنت عـليه وتــل قـــوطي خويّهْ»
المستريح اللي من العقل مسلوب
محد تولع به ولا له بغيـّـهْ
ياما ذكرنا من عجاريف وأعجوب
في وقتي اللي فات تطري عليّهْ
ما دك في قلبي من الهم دالوب
همي فراق «مقرمزات» الشفيّهْ
لو راس مالي بس بشتي مع الثوب
أغنى من اللي يملك القيصريّهْ
واليوم لو عندي حلال ابن يعقوب
غناة تال العمر ما هي حليّهْ
كني مدير البنك والمال محسوب
أمــانة للـناس ما هــوب ليّهْ
آلآ توادع كل غالي ومــحــبـوب
حطـــوه بين العايله بالسويّهْ
هذا طريق الناس والأجل مكتوب
كل يبي من والده له وزيّهْ
لامن كل شال حقه علي صوب
الطيب اللي يشتري لي ضحيّهْ
يا الله عسى مانيب من النسل مغلوب
ويا عــــل ذكـــرانا مع الناس حيّهْ
هذا وصلوا عد ما كتب مكتوب
على محمد المعصوم من كل سيّهْ
ومن قصائد شاعرنا الغزلية
الله لا يجـزا نهـار الــتــفــاريـــق
بالـخـيـر حـيــث انـــه يـكــدر عـيـونــي
حــيـــث ونّــاتـــه تـــحـــش الـمـعـالـيــق
حـــش المـخـالـب لـيـنـات الـغـصـونـي
نقلت مـن حمـل المـودّه مـا لا اطيـق
مستـدخـلـه و الـنــاس مـــا يعلـمـونـي
الـحـب جـــرحٍ صـايــرٍ فـــي مضـايـيـق
مثـل المـريـض الـلـي حيـاتـه ظنـونـي
والـبــدو غـربــال الـقـلـوب المـشـافـيـق
يــا مــا عـديـت خـلافـهـم و اتعـبـونـي
يـــا مـــا بـديــت بعـالـيـات الشـواهـيـق
اخـيـل فــي عـيـنـي تـوالــي الظـعـونـي
راحــوا لـهـم مــع كـــل حـــزمٍ طـواريــق
يمـكـن يصـيـر العـصـر مـــا ينـزلـونـي
عودت اذا ود عبرتـي خاطـري ضيـقْ
الله يـقـصـاهـم مــثـــل مـــــا قـصــونــي
ان دجــت بالمـرحـان بـيـضٍ لـواهـيـق
مــــا فـيــهــن الا بــايـــدات الـشـنـونــي
تنـسـف عليـهـن ذاريــات الصعـافـيـق
قـفــرٍ بـهــا الـجـمـري يـجــر الـلـحـونـي
عـزي لكـم يـا هـل القلـوب المشافيـق
عــقــب الــفــرح لابــــد مــــا تـكـرهـونـي
يـا طالـب منّـى عـلـى الـحـب تحقـيـق
عــز الله انــي مـنـه يــا وســع كـونــي
يـــا ونـتّــي ونـــة صــويــب التـفـافـيـق
فــي سـاعـةٍ و الـقــوم مـــا يمنـعـونـي
خلـوه ربعـه عـقـب مــا نـشـف الـريـق
اقــفـــوا يـطـالـعـهـم وهـــــم يــطــردونــي
اهـــل الـتـوالـي يـجـدعــون المـعـالـيـق
مــــا هــــم بـيـمــه لـيـتـهـم يـسـلـمـونـي
فـكّــر يـقــول ودمـــع عـيـنـه غــواريــق
الله يـخـيـبـهـم مـــثـــل مــــــا نــســونــي
ردوا علـيـهـم الـقــوم فـيـهـم مـطـافـيـق
قـيــل اصـبــروه و قـــال لا تـسـرفـونـي
قالـوا يمـوت و جيـل مـا فـيـه تبـريـق
مـــن الـعـطـب هـــذا حـيـاتــه ظـنـونــي
راحــوا و خـلـى طـايـح فــي شخافـيـق
مــا حـولـه الا الـطـيـر حـســه يـنـونـي
اهـــــو تــوجـــد مــــــن رداة الـتـوافــيــق
وانـــا اتـوجــد مـــن خــوافــي طـعـونــي
عـلـى ولـيـف حــرّق الـجـوف تحـريـق
والـيـا شكـيـت مــن الـغـلا سامـحـونـي
يا ما عنا لي في فراغة و في ضيق
ويــا مــا هـلـه مــن سـبـتـي يزعـلـونـي
أخــذت أنــا و يـــا الحـبـيّـب غـداريــق
مـــربــــعٍ لـــــــو الـــعــــرب يـمـحــلــونــي
والـيـوم خـلـي يفـهـق الـحــب تفـهـيـق
حــتــى الـمـنـدوبـي مـقـامــه امـهـونــي
طــــاوع مـدقــقــة الـســوالــف الـدقــيّــق
يالله عـســى الـعــدوان مـــا يربـحـونـي
يحول اظن العهـد عنـد الغضـى بيـق
أشــــوف نـيـشــان الـجـفــا بـالـعـيـونـي
مـانـي مــن نـــاسٍ تـواســق تـواسـيـق
ولا انـي مـن اللـي بالشـرك يربطونـي
ولانـي بصبـار عـلـى غـيـر مــا طـيـق
انــا مـــن الـلــي فـــي كـلامــه يـمـونـي
لـو كـان حبـه خـرق الجـوف تخريـق
لـيــا بـاعـنـي خـلــي يجـيـنـي زبــونــي
مني نصيحـة يـا القلـوب العشاشيـق
من يطرد المقفي تـراه امغبونـي
قصيده عـزاه يـا نفـسٍ هواهـا جبرهـا
عـزاه يـا نفـسٍ هواهـا جبرهـا
كما جبر حر الظما مفْخِت الجيـش
ورّد عدود القـوم نـاسٍ خطرهـا
يـوم استغـاب ويبّسـن النشانِيـش
من حر لا هـوبٍ بكبـده سعرهـا
شيّء عواره ينهش الكبـد تنهيـش
هنـى مرتـاحٍ حيـاتـه شكـرهـا
من نشوته ما تـل قلبـه ولا نيـش
نفسه ليـا عاسـم هواهـا قدرهـا
عن المحبـة ناقـلٍ قلـب درويـش
مـا ذاق لـذات النفـوس وكدرهـا
ولا عذبنـه ناقضـات العكاريـش
نجل العيون اللي مـلاحٍ صورهـا
للي غلاهن فتـش القلـب تفتيـش
إن لجلجت لك في سهاوى نظرهـا
والهرج منهـا بالاشـارة تناويـش
إن صافحت زم النهد عـن نحرهـا
وان شاهدت تجذبك خرس مراييش
والله لـو قلبـك يقاسـي صخرهـا
إنّهْ هو المبسوط والين من الريـش
كل اللـوازم سجهـا واختصرهـا
نسى الوصاه وصار بالفكر تشويش
والله لـو لـه حاجـة مـا ذكرهـا
وليـا ذكرهـا فايتـه قـال حتيـش
داوى بسكـراتٍ علـى الله خبرهـا
شهد تساقـاه القلـوب المعاطيـش
شهدٍ حلاتـه مـن عرفهـا ذكرهـا
غيره دوا لمعذب القلب مـا ميـش
في ساعة عنـد الثنيـن محضرهـا
تسوى وتكفى عن جميع المعاويـش
اللي بنفسـه كلمـةٍ مـا قصرهـا
من الراس ما يحتاج كز المطاريش
دارت مشاريـهٍ بعيـدٍ ضـررهـا
فتنات غيظٍ مـن قلـوب هشاهيـش
أول دعاويـهـم كـبـارٍ عبـرهـا
من عظم وجلاهم تصور مداهيـش
وتالـى دعاويهـم تساهـل قشرهـا
بعذرٍ ونهتٍ حمش الكبـد تحميـش
ليـت المحبـة مـا تغيـر سيرهـا
وإن الهوى يحجب عن النذل والديش
يُفتَك مـن نـاس غلطهـم دمرهـا
صاروا بها غزو مديـد حواشيـش
قصيدة البارحه جاوبت لي حس عاوي
البارحه جاوبت لي حس عاوي
ذيب عوى جاوبت بالصوت واياه
ذيب يجر الصوت كانه خلاوي
وياقلبي اللي جاوب الذيب بعواه
والصبح بانت في ضميري اهاوي
جريت صوت ليت خلي توحاه
يادار ماشفتي ضبّي المطاوي
اتلا علامي به غشنك رعاياه
وانا على شوف الحبّيب شفاوي
كانه هنيا خبريني بمسساه
قالت لي الاوطان قلع ضحاوي
اليوم راس الرجم هذا توطاه
امسى هنيا واصبح اليوم ناوي
يتلي سلف بدوا بعيدا معشاه
كشف لهم برق سديدا عشاوي
يخيلونه يم خشم المسناه
يبون مرباعا بهاك الحراوي
اليا زاف زملوقه وشبعت رعاياه
اخذ الخبر ماهوب خرص وهقاوي
اعطيك علم صويحبك وين تلقاه
ادنى مرابيعه بخشم الصداوي
وبيوت مقياضه بقريه مبناه
مير اطلب الله لو صوابك مخاوي
كم واحدا قبلك عشيره تمناه
يالعين ماينفع كثير الشكاوي
الا على اللي دبر الغيث وانشاه
ياونتي ونة وحيدا جلاوي
اللي سبب دينه من ادنى دناياه
ولا خلافه من يحل الدعاوي
لا صار ربعه منه تبا المثاراه
عليك ياللي لك بقلبي مكاوي
ثلاث كويات هوادي وعرقاه
عقبه فقدت من المنام الحلاوي
وحتى متاعي قامت النفس تجفاه
يا لايمي لعل مالك عراوي
بلاه ما ولعك بالحب حلياه
من لايعرف الحب عنده دعاوي
يشره على راع الموده ويشناه
ويقول هذا في مماشيه غاوي
وحنا ندل الدرب والحمدالله
يالله عسى مثله كثير الهزاوي
يبلا ببلوى من لسانه تهزاه
حتى يعرف ان المحبه بلاوي
ويشوف مثل اللي من الحب شفناه
عساه يبلا في محبة حياوي
حب الهنوف اللي يحده على اقصاه
تفرى ضميره فريّ دلو الرواوي
اليا صفقاها الجال من حد ملقاه
اليا لجلجته بالنظير السهاوي
كلامها لبيه عن قولتن هاه
كلامها للقلب مثل المداوي
اللي عرف علة مريضه وداواه
ياربي اني بالتفاتك رجاوي
تلم شمل الولف من عقب فرقاه
لوتنفع الفزعات ولا النخاوي
على المحبه كان كلا نخيناه
مار الرجاء والياس صار متساوي
ياقلبي اصبر في تدابير الاله
لو مابقي في حالك الا شلاوي
مادبر الوالي على العبد يرضاه
من قصيدة تتصف بالنصح والتوجيه يحث فيها الشاعر على طاعة الله وإخلاص العمل نختار منها:
يا رجل أبا أوصيك مني وصيه
واحرص على حفظانها بالحيل
من لا يحوش باول العمر طوله
تالي شبابه صعب التبديل
من فات عمره ما مدح بافعاله
قعد بوسط الطيبين رزيل
أول فعول الخير درب الطاعه
اليا خضعت لخالقك تسيل
نورٍ بوجهك واندفاعٍ باجلك
ويمشي ارزاقك بلا تعطيل
ومن قصيدة أخرى يصف بها أحوال الدنيا نختار منها قوله:
دنياك بالغفلات يضرب طهفها
لمحة بصر ماله سنا برق ورعود
غدارةٍ لو ضحكتك بطرفها
تراك عقب الضحك يابكاك ماعود
ان اقبلت قامت تمشط زلفها
هنوف عرس طيبها المسك والعود
وان أدبرت شفت الكدر من حرفها
تمسي تسيد وتصبح الصبك مسيود
ومن قصيدة تعتبر من نوادر الشعر قالها شاعرنا نختار منها قوله:
الصدق له مع سايد الخلق مطلاع
والكذب له مع غير يمه مطلايع
كم واحد مغرى برايه ولو ضاع
في خاطره عنده لمن ضاع تسنيع
وكم واحد للي يشيرون مطواع
للي عطاه الراي ممنون ومطيع
ومن وصية شاعرنا لابنه عبيد اختار ما يلي:
يا عبيد انا أوصيك مني بثنتين
ثنتين هن سو البشر وحسناته
أوصيك لا تبحث سدود المغيبين
لا تجهر اللي غارق بغفلاته
ترى النميمه تمحق الرزق والدين
والمنزل العالي تهدم أطبقاته
لا تحسبن أهل الظليمه ابخيتين
كل يوافق ما عمل في وفاته
وانذرك عن حق الضعيف المسيكين
اللي على حقه تهل اعبراته
ترى الضعيف اليا غدا الليل ليلين
يدعى وعند الله توافق ادعادته
ومن قصيدة يصف بها شاعرنا الرجال يقول فيها:
ترى خبر الرجال افعال والا ان الجسوم غلاف
ولا تحكم على رجل بلا خبر بالاحوالي
ترى السنحه وكثر الهرج بالراحات ماينشاف
تعاليل الرخا في حال والشده لها حالي
كثير بالرخا من تحسب انه سيد الأشراف
ولولا لازم يبدي هو الطيب إلى التالي
ومن قصيدة غزلية أخرى نختار مايلي:
ياعل عدٍ نزل خلي على بيره
يسقيه من مدلهم النو هتافي
ياخذ له أيام سايلة عثاميره
واللي يشوف المحاجر نقعها صافي
لينن عقب الحيا تنعم نواويره
يصير مشتى ومرباع ومصيافي
أظن في قرب خلي يا ملا خيره
والا التفاريق منها القلب ينلاقي
ومن قصيدة وطنية تثير الشجون حيث نقتبس مطلع كلماتها
حنا فدايا البلد …. والدار تشره علينا …. وقت اللوازم نبين
الحين والاّ بعد ….محْدن تهقوا وطنا …. من ماضيات السنين
كوبان يا من قعد …. ما شفت فعل النشاما ….لطامة العايلين
لعيون ضافي الجعد …. لا صوتنّ العذارى …. بالصوت يا الطيبين
من قصيدة آه من قلبٍ تولع وإنجبر
آه من قلبٍ تولع وإنجبر
إنجبر فى حِبْ مجمول صغير
لو عذلت القلب دونه ما صبر
قال لى غير الحبيب ما يصير
أشهد إنى منك فى حال الخطر
صرت لى يا زين فى عمرى خشير
يا حبيبى كيف قلبك من صخر
تقطع المعلوق فى سيف شطير
كل ما شفت الثنايا والنحر
والردايف إللى تهزع بالمسير
والعيون السود والخد العفر
قلت يا ستار عقلى لا يطير
جل من سواك جمالك يا بشر
لا عجب من خلقة الرب البصير
من قصيدة يا من يسلى خاطرٍ مجبور
يا من يسلى خاطرٍ مجبور
فرق الضحى زادت غرابيله
وقت مضى لى فى فرح وسرور
ضده عذاب اليوم و الليله
مشكور يا زين النبا مشكور
منك الجفا جتنى مراسيله
نسيت يا خلى هذاك الدور
حيل الله أقوى ما لنا حيله
ليت الخبر من بيننا منشور
صدتك من منه ومن هى له
أما تجى يا صاحبى معذور
وإلا يقر الترف بالعيله
من قصيدة ياهبوب النود هبّي وانعشيني ساعه
ياهبوب النود هبّي وانعشيني ساعه
من مغيب الشمس ذعذع ياهوى الخنيابي
انعشي من ضاق باله واستقر به قاعه
من تفاريق الظعون ولوعة الاحبابي
عيني اللي من تفاريق الضحى منلاعه
ماتمل من الهميل ودمعها صبابي
من وليفٍ وان ضحك لي ضحكة باخضاعه
تل عرق القلب تل السيم بالكلابي
الغلا يدخل بهون وكايدٍ مطلاعه
مثل جرح السل ماتسطي له الاطبابي
من قصيدة ألا ياحبيبي وين انا وانت
ألا ياحبيبي وين انا وانت
اشوف الجفا جت له دلايل
تبيّنت لي بالحرب واعلنت
نسيت المروه والجمايل
اظنك على مثلي تمدنت
قصرت الشعر والفرق مايل
علامك حسنت الراس لاهنت
حسافه على هاك الجدايل
من قصيدة الرجل يحيي سمعته عقب ميتته
الرجل يحيي سمعته عقب ميتته
ثلاث معان سالمات العيب
اما حبيب ما تملل ربعته
حبيب على الا صحاب والقريب
ولا اجودي نعمته مشكوره
واللي ترجى منه ما يخيب
ولا شجاع لا بته يذكرونه
الى وصلت البلوى زرار الجيب
والا الردي لو مات ما حد احد فاقده
حصاه حذفها الورع في القليب
من قصيدة امس الضحي كنيت باقي العباير
امس الضحي كنيت باقي العباير
واليوم ضامني وسون معابير
عباير من محرقات الضماير
ولو العباير دمع مامنه تأثير
يحول من زود الولع والحشاير
كنه يدق بلوح كبدي مسامير
والقلب شبت به لهيب السعاير
لاعود الله عرف بعض الغنادير
غرو عليه القلب والعقل طاير
والبيض غيره في عيوني سمادير
لو تكتشف قلبي عقول بصاير
لقيت له في وسط جوفي تصاوير
انا هوي بالي به الفكر حاير
بين الرجا والياس حبل التياسير
ضاع الحول باحكامنا يا لعشاير
احكامنا مابين جبار وجير
يالقلب لاتبدي خفي السراير
الا على رزاق عكف المناقير
من قصيدة صابني ماكفاني
صابني ما كفاني والمقـدر جـرى
واعنا القلب من جرح الهوى واعنا
لو يداوون جرح صابني ما بـرى
غير من كونـه ما ظـن يلقى دواه
من حبيب على قطع المواصل ضرى
حسبي الله على من صار سبة جفاه
ان طلبت المواصل قال ما يندري
اصبر السبت ولا السبت الاخر وراه
جازني يا حبيب الروح فيما ترى
واغفر الذنب للي معترف في خطاه
صار قلبي وعيني بالعذاب اخشرا
كل حـن قلبـي هـل دمعـي وره
محاورات مرشد البذال
في بدايات الشاعر مرشد البذال أراد أصدقائه توريطه عندما أخبروه بوصول شاعر قلطة من نجد بسيط المستوى فذهب لملاقاته وعندما بدأت المحاورة اكتشف البذال الورطة التي أوقع نفسه فيها.
إذ أن الشاعر النجدي ليس سوى الشاعر سليمان بن شريم الذي كان ملء الأسماع أيامها وعندما جاء دور مرشد قال
ألا يا رجل روجي وروجي عن ماقف الحقران
إلى ذعذع هبوبك خلّي الديرة لاهاليها
فرد سليمان مشجعا:
يقوله من شكا حر السموم ولاهب الضيّان
أنا طربان والا كان اكبّ الديرة واخليها
فقال مرشد موضحاً للمقلب الذي عمل فيه
ألا يا نفس ياللي طاوعت لفلان هو و فلان
عسى ربٍ رماها بالتهالك ما يخليها
أنا مالي بها مير اقترشني طير ابن برمان
يشيل الحيّة الرقطا وفي حضني يدربيها
وأنهى ابن شريم القلطة ناصحا
تعلّم بالنفع والسيف خله لك مقاد حصان
ولا تشرف على الغبة وغالي الروح تهفيها
أنا ما شفت موجٍ يا قبيلي طاش به زيران
بحورٍ مستكن شرها وارزاقها فيها
محاورة رباعية للشعراء
صقر النصافي ,,, سليمان بن شريم ,,, جمعان بن حضينه العازمي ,,, مرشد سعد البذال
صقر النصافي :
الليله الملـعب حضـر به من لعب
والـفـرق عـنـد الـلـي تـمـاثـيـلـه تـبــيــن
احد تماثيله كما نـقـد الـذهـب
واحد كما الـبـيزات خدرات الـدنـيـن
سليمان بن شريم :
يا صقر راي العرف فكاك النشب
والعرف ما يعرض على اللي عارفين
النار تـالـع بالـدقـاق مـن الـحـطـب
واليـاقـوت تـلـحـق علـى الجـذع المتين
جمعان العازمي :
يا مرشد ابشـر بالندامـه والـتـعب
انـا قـبـيـلـك والـجمـاعه شـاهـديـن
ترى الوعد من بيننا صلف الندب
جنب عـن الحـلـه تـرانـا غـايـريـن
مرشد البذال :
حنا هل العطفه معدلة الصعـب
يـلـلـي تـمـنـانـا تـرانـا حـاضـريـن
ماخبر يا جمعان فكيت الحسب
باللعب والا بالـمراجـل مـنت شـيـن
جمعان العازمي :
يا خال هذي كلم صارت نشب
علم يثارى فيه من طول السنين
الـــولــد مـا يـجـذبـه كــود الـنـسـب
انتم خـوالي واذهـبـوا يا ذاهـبـيــين
مرشد البذال :
كم واحد مجناه طيب واخترب
عاتب نصيبك لا تعم المسلمين
الخال عـود مـن هـذولاك العرب
مـا يـبـتلي كان البناخي فاسدين
محاورة بين الشاعرين سالم بن تويم الدواي ومرشد البذال رحمهما الله..
سالم:
سلام يا المجلس الليل شوفهم مهو ينعاف
سلام أحلى من السكر وقرطوع الحليبي
مرشد:
الله يحييك يا اللي دارس من كل الأصناف
يا اللي تسلم عَلى الحبان يوم انك حبيبي
سالم:
الين هالصهيد اشوا من مقاعدنا بالأسياف
غربى براد ولا فينا حدي وجه غريبي
مرشد:
كل على رغبته كان أنها ردت بًالأشفاف
اللي يبيهم يجي ومن انثنى عنهم يغيبي
سالم:
ما فيهم قصوري اهله مير جوف القلب ميلاف
طوب لها الغربي اللي ينفع الغصن الرطيبي
مرشد:
عندك خير بالطيور اليا تعلت فوق مشراف
حتى الحمامه على المرقاب تزعج بالنحيبي
سالم:
يا ابو عبيد نسيت اللعب ونوبنا بالانكاف
من قل وقفتك قدمي يا موى عين الربيبي
مرشد:عزالله إني مصد ولا اتمنى كل ميقاف
أسباب طاوي رشاى ومفخت جال الجليبي
سالم:
واجد من الناس اليا منه وقف ما يجحد القاف
لا شك لي رغبة في سمع صوتك يا صحيبي
مرشد:
يوم الملاعب لها في وقتها غارات وانكاف
وأنا أرتجي فزعة الصاحب ونوب يلتجي بي
سالم:
الوقت هذي ليال الوقت والعراف عراف
لا شك ما كل ضلعي ينقل الحمل التعيبي
مرشد:
يا سالم اصبر وأنا أبخيرك والأيام زلاف
يا فات عني زلال البكر ما لي بالسريبي
سالم:
يا شفت زولك اقبالي صار لي همات وأهداف
وإن شفت غيرك غفلت ولا عرفنا وش نجيبي
ما أدري بلاك الجسد مما جرى بادي به أتلاف
وإلا تعاكست وابن آدم يعاسمه النصيبي
مرشد:
يا رجل أشوفك على اليوم بالغارات مزهاف
اخير مالك تجنب عن طريقي واشتبي بي
سالم:
أمر وأنا أسمعك وإلا صاحبك ما.. هوب خواف
حشمه وتقدير وإلا حبلنا حبل قطيبي
مرشد:
وحياة من كوّن أَمره بين حرف النون والكاف
إني فلا أخطي على الصاحب ولا أرضاه يعدي بي
سالم:
اليا وقف دون حقه واحد ما شي بالإنصاف
ويش عاد لو نص مال الناس يغدونه ذهيبي
مرشد:
كان ليك راعي هدف لا تستوي للحًوض حذاف
دور ذهيبك مع العربان يا راعي الذهيبي
سالم:
الصبح والنور ما يخفي على العاقل وينشاف
لو يزعل الخصم لا تنشد ولك حق مصيبي
ومن محاوره جرت بين الشعراء مرشد البذال وصقر النصافي ومفرح الظمني
مفرح الظمني :
أبشر بمرشد حضر ياصقر إنه سرى الليل
وإلا اول الليل ناير مايبي صقر النصافي
مرشد البذال :
انا إذا جيت ما انشد عن كثيـرات الدهاويـل
لو انهم حنتشوا بعض العرب ترجع عوافـي
أنا وصقر النصافي ماضي جيل بعد جيل
مايصلح إنك تشربك بينـا وأنـت متعافـي
مفرح الظمني :
وراك تندس عنا في كثيرات الأزاويل
حنا نعرفك مع أهل اللعب تاخذ حق وافي
مرشد البذال :
أندس خوف من العيلات يا صاحب ولا اعيل
ولاتوهقـت بالميـقـاف ميقـافـي بشـافـي
مفرح الظمني :
انا تمني حضورك عند حضرات الرجاجيل
مير انت لي شفتني بالملعبه صابك خفافي
مرشد البذال :
هالحين شفني حضرت ولا حضرنا عنك بدخيل
والفرق للي إلا منـه حضـر بالفعـل يافـي
مفرح الظمني :
هالحين في حضرتك حنا ركبنا سبق الخيل
والزود بين ويظهر ما عطيه اللفافي
مرشد البذال :
بعض الخيالات ترجع من بعض كدش الحماميل
وان شد سرجه عليها قال خيـال سنافـي
خابرك رجل جبيب ولا معك خيل وزماميل
ما تملك إلا بشيت تلبسه ماهـوب ضافـي
فقال صقر النصافي :
الخيل فيهم ثبور يوم غارت تمغط الذيل
ماهيب تسبق إلا غار مجابيل ومقافي
مفرح الظمني :
انت تعرفني إلا ركب الرشا فوق المحاحيل
اجط خصمي وقاة الموخرات من الظلافي
مرشد البذال :
الميد يظهر به السابق ويقعد بارد الحيل
واللى ضرى للسمينه ما يعود للضعافي
مفرح الظمني :
يابو عبيد نعرفك من جماعتنا المشاكيل
تراي انا امزح معك يا صاحبي والعرف كافي
مرشد البذال :
لاتمزح مع السباع ولا تمر إله مداهيل
أخاف وان حاربنك دون عمرك ما تكافي
محاورة مرشد البذال والشاعر عبدالله العنقري ( لويحان )
( لويحان )
سـلام منـي علـى الاصـحـاب وثنيـهـا للاجـنـاب
رديــه عـقـب مـاهـل السـحـاب مــن الـرعـودي
باكر وعقبه على وضح لها بالجو ضباب
ضباب ان عـشـت وانـتـم سلمـتـو جـيـت للـمـر بأنعودي
مرشد البذال
الله يحييـك ياللـي تفتخـر فـي كـل هنـداب
ارجع سلامك وبيـن لـك مـن الغايـة اردودي
ان غبت عنـا بحفـظ الله وكـل النـاس غيـاب
ونصرت في خدنا نكرمك وفكارك شهودي
( لويحان )
ذكرتنـي وقفـت المـرقـاب يــوم ان الـهـوا هــب
الله يـرحـمـك يــاعــود تــحــت شــهــب الـلـحــودي
اليا وقفت قدام وجهي واحتزم لي شرع الباب
يـاخــذ نـقــوده ويـدخـلـهـا ويعـطـيـنـي نــقــودي
مرشد البذال
ان كان حره بقلبك ويل انا جمـره ومشهـاب
اذكـر سليمـان ياليتـه بـهـا المـاقـف يـعـودي
اخـذ التياسيـر منـا واستـر المـردود وان عــاب
معلوم معلوم ماشوح الجمل مثل العقودي
( لويحان )
والله مـافـيــك حــالـــب قـــــي كـــــل مــحـــلاب
تقبل مع المقبلين وصدعن راعـي الصـدودي
ان كان انا شفت شيبي جعله العربان شياب
ومــن عــاش مـامــات لابـــده ذقـنــه يـعــودي
مرشد البذال
طاب حظه وتوفيقه على كل العمـل طـاب
والطبيب اللي ورا الهقوه اليا جرب يزودي
بعـض الرجاجيـل رجـم مابظلـه حـط مـشـراب
ومبينـيـن عـلـى روس النـوابـي والـسـنـودي
( لويحان )
يابوعبـيـد رمـيـت ابرمـيـت ماجـالـهـا اسـبــاب
ماهـي ابرميـت عـداوه ميـر حركـت الزنـودي
تبني شراع الظليمه بس ماولمـت الاطنـاب
هل الكيف تبني شراع بلا حبال ولاعمودي
مرشد البذال
والله مـابــيــدي بـــنـــدق ولاجــيــتــك بـمـشــعــاب
مير انت قلبك على الشكه عسى ماهو وقودي
تـــرا كـثـيـر النـهـايـم تـكـتـسـب قــــولات وحــــزاب
ان رفــيـــق الـمـجـابــل وجــتــنــب درب الــعــنــودي
( لويحان )
اشره على صاحبي ماني بخمه خمه الداب
اشـدراس الجـدا واقــف وياتيـنـي سـنـودي
مانـي سبـاب بكـبـر شيبـتـي مـانـي بسـبـاب
الطيـب مالـه حــدود والــردا مـالـه حــدودي
مرشد البذال
وانـا كـذلـك تـرانـي عنـبـر يـفـرق بالاطـيـاب
افرق مماش الثعاله وفته ممشا الفهود
وخضع الشرواك لو انه جلح يمي بالانيـاب
لجل لن خبري بنفسي ماتردا بك اجهودي
( لويحان )
يامرشـد النـاس فـي شوفاتهـم ســارح وعــزاب
المسعد المسعد اللي في مماشيه امحمودي
هــذاك شــاري بضـاعـه ونـهـزم وهــذاك جـــلاب
مـاهـي ابشوفاتـهـم تلـتـم يالـطـيـر الـصـيـودي
مرشد البذال
احـد شرابـه قــراح واحــد مــن جــوف مـغـراب
وحد سوات العسل وحد كما المـر العقـودي
وحد كما الصقر يشبع ناقله من كف مخلاب
وحـد مـن السـوق يشرالـه نـقـوره بالنـقـوري
( لويحان )
الـمـرجـلــه لـلـنـشـامـا بـيــنــه والــــــدرب مــلــهــاب
مـثــل الـطـواريـج تــاردفــوق راهــيــت الــعــدودي
ماهوب يلحق بها القاصر ولو هوجس ابمطلاب
السيـل ماهـوب يطمـر فــوق طعـمـوس الـفـوى
المساجلات الشِّعرية للشاعر مرشد البذال الرشيدي
مساجلة للشاعر مرشد البذال الرشيدي مع امير الكويت الراحل الشيخ جابر الاحمد الجابر الصباح
قصيدة مرشد البذال
لا والله الا ذعذعن الصفاري
هب البراد وقربت نقلة الطير
ذكر الحباري له نخزر الحداري
اول عوانيها لقوها المداوير
كل اشقر في تلك السبق ضاري
متكسر قلبه ع الطلع تكسير
ذكرتهم مسري بهاك الغداري
مع جابر الاحمد طويل الاشابير
يابو مبارك ماطرى لك طواري
تحيي الرسوم الاوله بالمظاهير
ياشيخ لاتنسى هذيك المساري
يومك تصلي الصبح فوق من الصير
تشوف فيه من العواين مواري
تلقى جرايدهن بروس العثامير
كل ورا جابر بسيره يداري
اهل الطيور للشيخ جابر مناظير
ماحلا مغداهم بعشب وخباري
باول طلوع النبت عشبه دواوير
وماحلا معاياهم بصوت جهاري
الشيخ نشمي والجماعة مناعير
هذي طراة العمر قبل العزاري
دنياك من غير الطرب مابها خير
وهذا رد الشيخ جابر الاحمد الصباح رحمه الله
قولك تراه اليوم صاير وجاري
الله يجزي ذيك الايام بالخير
ياما سرينا يم ذكر الخباري
مجهامنا كل يوم مثل النواطير
مانعرف التنتات هي واللواري
لهن دوي يشبهن الزنابير
نمر يالريضان خضر فقاري
زاه عشبها مع فياضن مزاهير
لامن طلع مختار عقب المساري
في موقع مافيه جرة مظاهير
اوهد صوب الروض وسط النهاري
غمر وصفف ياحسين التصاوير
واليا نزل عينه تشعشع بناري
نشوفهم جنب الذواري مخامير
مثل الملك جالس وحوله جواري
والله ما اصخي به بخيشه دنانير
ماهمنا برد ولاهوب ذاري
يوم ان للمقناص بالنفس تأثير
واليوم كل واحد يصيد العفاري
وصارو جميع الناس كلهم صقاقير
اصبر تشوف الطير فوق القاري
مطلعه راعية مع سكة الجير
مساجلة بين الأمير محمد السديري والشاعر زبن بن عمير والشاعر الأمير خالد بن أحمد السديري والشاعر مرشد البذال الرشيدي
عندما توقف الشاعر زبن بن عمير ولم يكتب أي قصيدة غزلية أثار هذا الأمر فضول صديقه الأمير محمد السديري لذا حاول ان يداعبه ويثير إستفزازه حين بعث لأبنه الشاعر عمير بن زبن أبيات يسأله عن والده والغرض منها تهييض شجون والده لعلها تثيره لقصائد الغزل فقال السديري
ياعمير خبرني عن العود هو تاب
وقضب طريق ملفلفين العمامه
وأعرض عن الزينات تلعات الارقاب
وعوّد معيف وطالب ٍ للسلامه
والا يصافح لاجلهن كل مرقاب
وعلى هوى قلبه تشيله عظامه
منّولٍ سرحان عادي ونهاب
ودايم من الغارات تنطف إلكامه
واليوم مدري وش جرا له بالأسباب
ماعاد نسمع بالعذارى غرامه
والحروه انه قاري ٍ قروة الداب
وحتى خرزها ناظمه في حزامه
لو هو يتم الخمس في كل محراب
باق ٍ بقلبه من هوى البيض شامه
الله يخون البيض غضات الاشباب
حطّن في هاك البراطم علامه
قلّه نبي منه البراهين بكتاب
وحنّا نميز غايته من كلامه
ويا عمير قله ما نسيته ولا غاب
لو كان في العارض وأنا في تهامة
فجاوبه عمير بن زبن بهذه القصيدة
ياشيخ ياحلال عسرات الأنشاب
ياللي حويت المرجله والشهامه
إن كان تنشدني عن العود هو تاب
ومسك طريق ملفلفين العمامه
أفيدك أنه تاب وللرب أناب
وأظهر على مافات منه الندامه
غض البصر من يوم شاف الشعر شاب
وخلا طواريق الهوى بانهزامه
ما عاد له بملاقف الصيد مضراب
لو يعترض قدام عينه نعامه
العود يوم إنه بغى الصيد ماهاب
يلقف لهن مع كل نابي عدامه
وإليا نوى مهيب تنهار الأعصاب
يسطي إلى هاب الذليل الجهامة
واليوم تاب وخاطره بس ماطاب
إلى ذكر بالكف رفع اللثامه
وده بطرد الصيد مع كل مهذاب
لاشك خال ٍ الفشق من حزامه
ويخاف تال العمر من عضة الناب
ثمٍ تصير من العلامة علامه
فوصلت هذه القصيدتين إلى مسامع شاعر الكويت مرشد البذال الرشيدي رحمه الله فخرجت منه هذه المجاراة
بالله يالربع تكونتوا أحزاب
والكل منكم عارفينٍ مرامه
ترى دعاويكم على زبن تنجاب
هو وش حدث في حالته وش علامه
وترى كلام الود ما بين الأصحاب
مثل المتاع الي لذيذٍ إدامه
يالربع عندي راي كان السهم صاب
شورٍ يخليكم بليا خصامة
لاتنذرونه ثم يجفل ويرتاب
تراه حذرٍ إلى إنتبه من منامه
أخذوه بالغفلة بلاجزر وعتاب
لينه يوقع بصمته في بهامه
أوصافكم هذي على الدرع من هاب
أوصاف بصري يوم يلبس حرامه
وأنا ترى مالي على زبن مطلاب
مالي سوى تقديرته وإحترامه
يوم الأمير بقصته بطل الباب
أنا سمعت أنه نديم الحمامة
وعند وصول هذه القصائد إلى الأمير خالد بن أحمد السديري رحمه الله رد عليهم جميعاً قائلاً
يا من تعرضتوا لخطرات الأنشاب
ياللي على زبن تبون الزعامة
حظفٍ إلى حرك من الغاب وإنساب
كلٍ يدور من غثاه السلامة
لاهوب نشادٍ ولاهوب حساب
يركز على روس المشارف خيامه
حرّاب وإن جيته من البعد حرّاب
وعيدٍ لهل هجنٍ يبون الكرامه
ريفٍ لضيفه فاهمٍ كل الأداب
يفهم ولا ينشد لاكثروا خصامه
لاهوب عيالٍ ولاهوب هياب
يارد على الما ماحدٍ عنه ظامه
يارد على الما كان جا حزم كلاب
يشرب وبعض الناس يطرد جهامة
شوري عليكم لاتوطون الأنشاب
خصيمكم رحلٍ رفيعٍ مقامه
وهنا خرج الشاعر زبن بن عمير عن صمته عندما رأى أن الأمير خالد قال هذه القصيدة فقال ردا على الأمير
يعيش من جوّد مناسيب الأطناب
لاوى على عهد القديم ونظامه
أنا أشهد أنه من عريبين الأنساب
ومن إلتجابه ماتهزهز عضامه
أبو فهد خالد إلا كلّح الناب
هو عز من ضده زمانه وظامه
شيخٍ إلى منه نوى الدرب ماهاب
يمضي لمعركة الشرف والكرامة
يوم اللقا ماهزهزه ضرب الأطواب
مركاضه اللي بان يجلى الملامة
أحيا بفعله ذكر أبازيد وذياب
بيوم الوديعة مثل كون الرغامة
جاء دون ربعه باللقاء درع وحجاب
ماهوب يوم الكون ثور عسامه
اللي ثنا دوني عن الربع الأقراب
يوم أنهم شدوا علي المسامه
أضحك لهم وأنا من الربع مرتاب
وأسكت وأنا ناوٍي لهم بإنبرامه
لو أنهم بالملتزم شدوا الباب
وصلّوا ورا ماطا الخليل ومقامه
العلم الأول مالهم عنه مجناب
يبو فهد مثل الرضيع و فطامه
يرهبون وسحرهم وسط الأجياب
والله علم بأكل الطعام وحرامه
ظنيت بالربع ظنٍ ولا خاب
ظني بربعي زاد فوق العلامة
ومرشد فزع فزعة صديقٍ بمطلاب
ولاهوب ناوٍي للصديق بقوامه
يشير شور إن كان للشور مضراب
يسعى بصلح بنيته وأهتمامه
إن فاد والا مشعل الحرب شباب
ولمقيط لو صارت تقوم القيامة
مساجلة بين الشاعر الامير محمد احمد السديري والشاعر مرشد البذال الرشيدي
يقول الشاعر مرشد البذال الرشيدي كان بيني وبين الشاعر الامير محمد احمد السديري مراسلات شعرية وكانت وسائل الاتصال آنذاك قليلة فالمراسلة عن طريق البريد او الأشخاص وكنت اتمنى مقابلة السديري والجلوس معه وهذا تقريبا عام 1962م
وفي يوم من الأيام سمعت خبرا بأن السديري مريض ثم قيل لي بانه في المستشفى وحالته خطرة ثم قيل بانه توفي ولم يصلني تأكيد لذلك
فبعثت إليه بالقصيدة التالية لأتأكد من الخبر
يقول مرشد البذال:
اليوم في قلبي من الوجد لهّاف
اخطِّف أخبار الطراقي تخاطيف
سمعت علم حط بالقلب رجاف
ومسيت من علم الخطر خارب الكيف
ياسعود لعله خبر كل مذهاف
ما كان ينسب من رجالٍ عواريف
ياسعود من دورات الأيـام ينخـاف
كل النفـوس معرضـة للصواديـف
الله من وجدٍ للأفكار خطّاف
ومن ونةٍ ما تحتملها السراجيف
والعين كن ألها عن النوم عصّاف
مالي جدى إلا قول ياحيف ياحيف
النوم والمطعوم والضحك ينعاف
لين أفهم المعنى بكل التواصيف
أما ضحكت من الفرح ضحك ميلاف
وإلا عملت لطربت البال توقيف
ياليتني لسرار الأخبار كشاف
إلين اسنع وش خبر مكرم الضيف
إما لقيته مثل حرٍ بمشـراف
والا صفقت الكف بالكف تصريف
ليت الدبور اللي للأعمـار قصـاف
يمنع عن اللي فعل يمنـاه قـد شيـف
مانيب في حبـي لابـو زيـد لفـاف
محبـة ترجـع لكسـب المصاريـف
أنا غرامي ربعت النـاس الأشـراف
فهود الرجال اللي عليهـم تحاسيـف
اللي لهم في مرقـب المجـد ميقـاف
وأمداحهم توكيـد ماهيـب تزييـف
الطيب لو أنه علـى الغيـر ينشـاف
لازم يجيلـه بالمجالـس سوالـيـف
والا ألردي لو هو جمع كل الأصناف
مال وجمال ونـال كـل التكاليـف
مثل السراب اللي على البعد كشـاف
ولا ينقذ العطشان من حومة الصيـف
هذا هواى وكل نـاس لهـا أهـداف
الخير يحكـم فيـه والظـن تهديـف
ومن يدعي بكمالت العـرف مانـاف
ومن عاف فكر الناس في فكرهم عيف
وأنا سبب تكوين فكري هالاوصاف
ماهو طرب ولا بعـد زود تصنيـف
لي صاحبٍ يحسد عواريض الأصراف
سمعت علم عنه مكروه ومخيف
ياسعود شفي كان ردت للأشفاف
علم ينظف مخزن الشك تنظيف
يقول مرشد البذال وبعد شهر وصلني الرد من السديري :
يقول من هو ناويٍ يتبع القاف
طارٍ عليه يصرف الشعر تصريف
ما عن في قلبه هوى سمر الاغداف
نجل العيون مخضبات الاطاريف
قلته ونامن بين وديان الاشراف
بالمرتفع بين الجبال المقانيف
جسمي بها كنه على جال ميهاف
وهاجوس قلبي ناحرٍ يمة السيف
البارحه جفني لحلو الكرى عاف
يوم النعايم فوق راسي مشاريف
تسابقٍ قلبي هواجيس ارداف
والليل طال وحنَّ قلبي على الكيف
وناديت من حولي يعجل بالاسعاف
يشب نار دلال بيض مزاهيف
ياحسين شب النار واسرف بها اسراف
حتى يصير الجمر فيها مشانيف
ومن حب خولان الخضر هاته اجزاف
واحمس ونسفها على الجمر تنسيف
ودقه بنجر تالي الليل رجاف
ويا حسين لقمها ببيض مهاديف
ومن هيل دار الهند زود لها سناف
وزله وخل الكيف يذرف مع الليف
كنه بوسط الصين مرجان وارعاف
او دم جوف اللي تقود المخاشيف
وعطنيه يا تابع هوا كل غرياف
لو أن حره فوق قلبي مراضيف
اغدي هموم القلب تنوي بالانكاف
ويقفن عن قلبي خفاف محاريف
جاني بيوت ما بها عيب وانضاف
فيهن من الطيب بلاغه وتعريف
يذكر علوم جابها كل خفخاف
بالكذب زاد وهرجهم بالغطاريف
مجمعين الكذب بالهرج زهاف
مثل الرقيعيات دايم خواطيف
اثر العلوم ضعاف وعلومها ضعاف
وافواههم للشين دايم غواريف
احد على درب الردا يهرف اهراف
واحد على العليا يعد المشاريف
واحد عليه السو يا رشد لحاف
وجهك عليه البيض توضي مكاشيف
انا بفضل منزل ايات الاحقاف
لاج بضله عن هبوب العواصيف
ايضا وانا من قول من كان ما خاف
ارقد بامان الله ولو ما معي سيف
الناس يا مرشد بالايام بخلاف
وانا ومثلك للفضيله مواليف
مساجلة بين الشاعر الامير محمد احمد السديري والشاعر مرشد البذال الرشيدي
يقول الأمير الشاعر الكبير محمد السديري من قصيدة طويلة مسنده للشاعر مرشد البذال
عفا الله عن عين من الوجد نايحه
على من شرح لي بالرسايل صحايحه
ان شططوا عذال قلبي عن الهوى
لهم قلت يا غربان بالبين نايحه
اليا عذل قلبي عن الحب عاذل
عصيت عذالي ولا أقبل نصايحه
أرى الحب جنات تعاقب نهورها
على قلبي الدامي لبلواها شايحه
كم كاعب بيضا عفيفه عشقتها
ادله بها قلبي والايام رايحه
إلى ان قال فيها:
يا مرشد البذال ليتك تشوفني
اكفكف لدمع به الاسرار بايحه
اكفكف دموع جرح الخد كفها
وبل رايح الشرقي حقوق روايحه
تتابع دموع العين من فوق وجنتي
اليا نشفت هاذي اليا ذيك سايحه
وقد أجابه مرشد البذال بقصيدة طويلة نذكر منها قوله:
قريت الكتاب وشفت باول صفايحه
تعابير من له فرصة الرد تايحه
تعابير من ساد المعاني بعرفه
واخذ من القيل المصفى ملايحه
حفظهن بصندوق الضماير لوقتهن
درسهن وفاضت بالنوادر قرايحه
من واهج ما يحتمل حرة الجسد
يذوب صمصام الحجز من قدايحه
هذا الهوى لابارك الله بالهوى
تكاليف نقصه ما تلادي ربايحه
الحب ثلث الناس بشكر عواطفه
وثلثينهم يشك الضرر من كبايحه
إلى ان قال فيها:
وأنا يا محمد كل ما اتعب واجتهد
يا الله اعبر من كلامك فصايحه
وأنا أطلب لك التوفيق يا لصاحب الوفى
يا من يندامني بواضح صرايحه
وانا حاسبك من يد الاصحاب منصى
اليا أونست من شوب السمايم لفايحه
هذا ولك مني سلام وتحيه
اعاد ما خط القلم في طلايحه
مساجلة بين الشاعر مرشد البذال الرشيدي والشاعر زين بن عمير العتيبي
قصيدة من الشاعر مرشد البذال موجهة الى صديقه وزميله الشاعر زين بن عمير حيث قال مرشد البذال:
يا (زبن) ماضية السنين اعسفتني
خلصت من طرد العذارى وصديت
جفيت متعبة العيون وجفتني
الانهار السبت بالسوق مريت
شافت عيوني شوفةٍ كلفتني
يا ليت عيني طاوعتني وصديت
يا (زبن) ليتك شفت عفرا وطتني
مثل الفتاة اللي شعتها الاصاويت
مشغولة في شغلها واشتغلتني
تتلى عجوز مشيها مشي خرتيت
وبغيت اصد وفرصتي ما عطتني
السوق ضيق والاوادم تفاويت
ماجور يامتنن دحمته بمتني
عزّ الله أني كان عوّرته أخطيت
طالعتها من حسنها وأعجبتني
جودت سرجوف الضماير وونيت
يا (زبن) بسهوم المنايا رمتني
رمية صدف لسهومها ما تحريت
ولا نيب ناويها وهي مانوتني
ما والله أفهمها ولا أفهم هل البيت
مير أنها (يابن أعمير) أغمضتني
في كلمة عالت بها يوم قفيت
قالت: لو ان حتنك أيوالم ألحتني
والله لهلي في خيالك ليا جيت
حاولت أبكسَب عرفها وحذفتني
حذفت حصاةٍ من جبالٍ نحاتيت
أفلست أنا من عرفها وعرفتني
صابت بمرماها هدفها وأنا اصغيت
يا (زبن) غادية الجدا خاطبتني
تبي على الماضي قرار وتثابيت
قلت أذهبي منك الاشارة كفتني
ما احد حكمني باعترافي ولا امضيت
ان كان مخلوقٍ بحقه بهتني
أنت الذي للناس جملة تقاضيت
يا (زبن) هذي قصةٍ شكلتني
أسلم وسلم لي على طيب الصيت
اللي معانيه الجسام أقنعتني
أذعنت له في كل معنى وقريت
بعدما وصلت قصيدة الشاعر مرشد البذال جاء الرد من الشاعر زبن بن عمير العتيبي وعلى الوزن والقافية نفسها مجاوباً صديقه حيث قال:
لبيك يا من هو بقوله نعتني
رحبت بالمكتوب غاية وهيلت
طالعت في معنى البيوت وشفتني
عن ما مضى من شرح ما خفيت وابديت
جتني بيوت معجزة وافرحتني
وضحكت من بعض المعاني وجضيت
جضيت من صدفات قد صادفتني
ومن شد ما جاني تجرعت حلتيت
يا بوسعد دنياك قد لوعتني
وعديت لين أني من العدى مليت
وقصتك يا مرشد تراها أدهشتني
وذكرت شوف مكثرات اللافيت
واللي كوتك بهرجها قد كوتني
لاشك انا لمبادل الهرج رديت
ولو أني أنت ان كان يوم اهزبتني
عرضتها لمذلقات المشاخيت
وراك يا مرشد تقول فشلتني
يوم ادحمتك بمتنها ما تلويت
وفي قرنها الاشقر وقلت اظلمتني
حتى نقول انك بشوفك تهنيت
الشيب له في كل مخلوق حتني
واسمه وقار للرجال العناتيت
ولوني مكانك يوم هي عذربتني
قلات أصبري وأعطيك هرج التثابيت
انا ليا شبت العذارا بغتني
وانتي تبري منك حتى العفاريت
ومن شاف وجهك شين قال أهبلتتني
وانا اليا شفتك مع الدرب سميت
يا مرشد الدنيا قبل صلفقتني
وسكانها فيها تشيل الزغاريت
وعجوزك اللي شفت قد عذبتني
وحطت على دربي حظير وتعديت
حدبا الظهر عن حاجتي ما نحتني
وياما ورى مدبح ظهرها تخطيت
حتى بشهب عيونها مارهبتني
شربت من صاف القراح وترويت
وما مرة بعض العرب ما خفتني
قلبي يعلمني عن الحيّ والميت
وطيت حيات الثرى ما كلتني
بأقدام رجليني وانا ما توقيت
ونقض البيوت الواردة ما أكلفتني
هي سلعتي تصرف بيت ورا بيت
مساجلة بين الشاعر مرشد البذال الرشيدي والشاعر رجا بن سعدون الفزير
رجا بن سعدون الفزير و مرشد سعد البذال رحمهم الله كانوا من اشد الشعراء مزاحا وكثيرا ما يمزحون فما بينهم دون الشعراء ولهم من الرديات الكثير
وقد قيل لمرشد البذال بان رجا الفزير يقول بانه لا يضاهيه شاعرا اخر فارسل مرشد البذال هذه القصيده الي رجا الفزير من باب المزاح
يـاراكــبٍ ثنـتـيـن بـالـوصـف كـنـهـن
اشـخـاص ريــمٍ ذيــرن مــن قفـورهـا
عيرات مثل الصيد اليا هج واصطفـق
نـحـايـفٍ كـــن الــمــداري نـحـورهــا
ركابـهـن رجلـيـن بالـلـيـن والـقـسـى
نجـايـب حـرايـر سـمـح الله امـورهــا
ملفاهـن بـن فزيـر لـيـا جـنـه انـشـده
عن الكلمه اللي قالهـا فـي حضورهـا
ردٍ لـفــانــي لا جـــــزى الله ذمـــتـــه
عسى جنة الفردوس ماشاف حورهـا
يقـول انـا حـبـرٍ عـلـى الـنـاس كلـهـا
الـبــدو والـلــي ساكـنـيـن قـصـورهـا
قــل لــه تبـيـنـا لـهــم يـــوم قـاربــوا
يــومٍ ضــو الـحـرب طالـعـت نـورهـا
جمعـت لـي تسعـيـن لــك مــن الـمـلا
عـسـاكـرٍ نـحــور المـنـايـا تــزورهــا
والفيـن طيـارة سبـور ابــي اوجهـهـا
ترعـب جميـع النـاس بوسـط دورهــا
وفـوقٍ عليهـا مواتـر تنـقـل مكاينـهـا
فيـهـا دينـامـيـتٍ خـطـيـرٍ بظـهـورهـا
طـغــام مافـيـهـم حنـيـفـي وشـافـعـي
يـاويــل قـــومٍ لـيــا ولـــوا دبــورهــا
سـلاحـهـم تـركـيـةٍ مـــن مصـانـعـهـا
اللـي تعشـي مــن وحشـهـا طيـورهـا
وصبحت انا بن فزير في ساعة الرخا
فــي سـاعـةٍ عنـهـا غـيـاب نسـورهـا
اخـذت انـا بـن فزيـر منـهـم بشـاربـه
قـدتـه كـمـا يـنـقـاد بالـحـبـل ثـورهــا
حطيت انا بن فزير في وسـط مصمـك
فــي وســط دارٍ مــن حـديـد قـدورهـا
بنيـتـهـا يـــوم ان دنــيــاي سـاعـفــه
سيسانهـا الفـولاذ ونـحـاس سـورهـا
حطيـت عنـد الـبـاب تسعـيـن سبـحـة
خـوفـي مــن ادوار الليـالـي تـدورهــا
وفـي كـل سبحـة عشـرة الاف فـارس
ابيـه يونـس مـا مضـى مـن عزورهـا
كان انت يابن فزيـر حبـرٍ علـى المـلا
صادتك مـن قطـم الشـوارب حبورهـا
تمت وصلى الله علي المرسـل محمـد
عـدد حيهـا واللـي سكـن فـي قبورهـا
وقد رد الشاعر رجا الفزير
يالله يالـلـي تعـلـم الـســر والـخـفـى
عـــلام بييـنـهـا وخـافــي امــورهــا
ماحي الذنوب وترزق الناس بالحيا
ترجـع لهـم وتكـف عنهـم دهـورهـا
قمـت اتهيـض يـوم هيضنـي الخطـا
لا واهـنـي الـلـي وســاعٍ صـدورهـا
كبـدي عليهـا جمـرة القـيـض كنـهـا
سعـايـرٍ مــا يطـفـي الـمـا حـرورهـا
هات الـداوة وهـات قرطـاس والقلـم
اكـتـب سوالفـنـا وبـيـيـن مـهـورهـا
مـن واحــدٍ يمـشـي بـضـدي وكـايـد
يركض بحيلاته وانا اعرف غدورها
يـا مـرشـد المـقـرود يـاغـدي الـجـد
احـذر مــن الدنـيـا تـغـرك بجـورهـا
تــراه مـادامـت لغـيـرك تــدوم لـــك
غريـت روحـك يـوم غـرك بـزورهـا
كــلٍ تـبـرا مـنـك مــن شـيـن نـيـتـك
مقرود والمقرود مـا احـدر حدورهـا
من انـت بكفـو دولـه ودولتـك هينـه
عرضتـك هـذه مــا تطـيـر طيـورهـا
التـرك مـن دور الحـجـازي سـلامـه
مــا وقـعـوا بـارضـك بعـيـدٍ دورهــا
طقـيـت تـيــلٍ للـقـريـزي وخلـطـهـم
مية وتسعين الف ماتطول قصورها
صارت على قومك جمـوع وقناصـل
صغـر العيـون اللـي كثيـرٍ شرورهـا
وصـاروا مثـل زرعٍ درع فيـه الـدبـا
فـرايـسٍ قــام الحصـيـنـي يـزورهــا
وعزمت شيخ الجـن والجـن سيـروا
سكنٍ كما وصف المساحي ظفورهـا
سووا لي السرداب والدرب ينسمـح
واطلعنـي الله ماخسـرت مخسورهـا
طلعت من دارك عسى الـدار تختفـي
فـي لـيـل اظـلـم مــا درى ناطـورهـا
والمرجلـه والطيـب لـو انــت قـدهـا
خل المغـازي لا تجـي فـي صدورهـا
والفـعـل لـلـي ينطـحـون المـواجـب
بوسـط المجالـس متعبيـن نجورهـا
يـافـويـرةٍ مــــدت ايـديـهــا لـلـحــذا
ذبحنا السباع؟ وجـت تناقـز فورهـا
مساجلة بين الشاعر مرشد البذال الرشيدي والشاعر الامير نواف بن تريحيب بن شقير المطيري
قصيدة قالها الشاعر مرشد سعد البذال موجهها للامير نواف بن تريحيب بن شقير من امراء مطير . . . .
مني سلام ال من وصلني سلامه
رد السلام يشكر نور على نور
أعلنت له شكري وزود احترامه
نواف قصدي وان هبا كل مثبور
شكرت من رجل المروة كلامه
الجوهر الصافي بلا شك وغرور
شهم خواله نجبوهم عمامه
ما صار به حرف عن الوزن مكسور
نواف امير مذيرين الجهامة
أميرهم بالراي ولا على الكور
المجد حقه منه ذروة سنامه
يقول اللي ما شهد كلمة الزور
حنا نفاخر به ونشكر مقامه
والخاتمة بابن تريحيب مشكور
رد نواف بن تريحيب بن شقير على الشاعر مرشد سعد البذال الرشيدي . . .
حي الكتاب اعداد ممطـر غمامـه
وعداد حرف بالقراطيس مسطور
وعداد ما يمضي ضحى مع ظلامـه
من بنيت الدنيا الي نفخة الصـور
في خط من نال الوفـا والشهامـة
اللي بنوا المجـد والخيـر مذكـور
اللي كلامـه رأسمـه فـي نظامـه
من طلعته مـا قـال زلـه ولا زور
الناس تشهد لـه بعـرف وعلامـه
صليب راي وبالمـروات مشهـور
مرشد حريـب المهزلـة والملامـه
من نشوتة في حسن الاخلاق مأمور
نـال المـروه والثنـا والكـرامـه
ولاهوب في بعض المجالات مغرور
مساجلة بين الشاعر مرشد البذال الرشيدي والشاعر عوض محمد الخضير
النوخذه عوض محمد الخضير والمرحوم الشاعر مرشد سعد البذال وكانت لهما صداقه في ذلك الوقت وسند للشاعر مرشد البذال وهي في كبر السن :-
يا بو عبد الله انا بنشـدك يومـك رجـل
الكبـر مـا بــه قصـتـه يدريبـهـا
يا حمل عقيل شيـال حملـه مـا يميـل
نايـل الطـالات يـوم الـردى يكبيبهـا
وافي الاشبار وعـز الرفيـق المستقـل
والعطايـا فـي مواجيبهـا تصخيبـهـا
جعل حن ما نفقـدك علمنـي ولا تـزال
كان عندك بصره يـا رجـل فدنـي بهـا
اثبتت مثـل هـرش تثبيـت فـي حـل
ضايمه حمله وعسـر الـدروب يهيبهـا
مـدري ذا اكبـراو قالـوا العالـم كسـل
والليالـي المقبلـه مـا قرينهـا غيبهـا
ليت عمري رقم عشرين وارجع في الجهل
والسنين الي مضـت تنتهـي وابديبهـا
وان الشبية لابدت يستـوي فيهـا عمـل
والدخاتـر كلهـم مـا لـقـوا طبيبـهـا
اتمنـى والتمنـي اشوفـه مـا حـصـل
كيف أخلص راسي ولحيتي من من شيبها
لحيـةٍ نقالهـا مـا يجـي درب الخمـل
والدروب المعمـوره سالـم مـن عيبهـا
وام عشر واربع ذيـك مـا فيهـا حـول
شبهرت بالشيب واقفت وأنـا ودي بهـا
غير عندي جادل مـا نبـي فيهـا بـدل
لو يجـي راع البـدل والله مـا يقفيبهـا
صاغها الله في ركـاده وصورهـا عـدل
والله اللي حط ذا الزيـن مـن نصيبهـا
قلت يا مرشد ذا الأبيات مـا فيهـا زلـل
وازبن الله منك يـا نمرهـا يـا ذيبهـا
خلني امشي على الهون في درب السهـل
لا تعرضنـي وعرعبلـه مــا ليبـهـا
ولا تمحنـي ويصيـر فـي قولـي خلـل
والرجال إتعـز شيبهانهـا مـن طيبهـا
وخاتمة الجيل يا الله فـي حسـن العمـل
في نهـار الوقـت لامـن دنـا رقيبهـا
في نهار رافض الديـن لا خيطـب زمـل
مـا يعـرب كلمـة تنفعـه يفضيبـهـا
حولوه بسلسلـه ذا جـزا شيـن العمـل
وسـط نـار تدهـر يحـرقـه لهيبـهـا
وإذكروا الله يا عرب عند ما قولي كمـل
وكـل نفـس جعـل خلاقـهـا يثيبـهـا
رد الشاعر البذال
مرحباً وأهلين في طـارشٍ جانـي عجـل
جيته عنـدي طريفـة لا نصحنـي بهـا
مرحباً وأهلين بالشهـم والرجـل الاجـل
يا شريف النفس عن كـل فعـل يعيبهـا
من بني هاجر حمى شول خلفـات هجـل
لابـةٍ يـوم اللقامـا ضــيٍ تجريبـهـا
زين صابور النضا قدمه هالخيـل الحجـل
والبيوت اللي كثيـر العشـا تحـرى بهـا
كم صبين مزبـن للذيليـل اليـا اعتجـل
بندقة في ساحة الحرب مـا يخطـى بهـا
كم فدى بالروح وارخص بها كلـه لاجـل
مـدة الفنجـال بالمختصـر يرهـى بهـا
ضدها هالحين خاف الحصان مـن العجـل
والسباع الشعب شفناالثعـل ينـوي بهـا
يا عوض تشكي على وأنـا مثلـك وجـل
خل نفسك يا عوض تكتفـي بالـي بهـا
ان يحثنا حاله الوقـت يبغـى لـه سجـل
لين يكمل يا عـوض عدلهـا ومصيبهـا
السنين الحاضـره فعلهـا بعضـه خجـل
والسنيـن المقبلـه تونـا نسعـى بـهـا
وانت تشكي يا عوض من عوارٍ بالرجـل
كانهـا الركبـه فهـي كـايـدٍ تطيبـهـا
قصدها اكثر الصفر جعل لك طـول الأجـل
ما عطيتك سنينـك الأولـه تكفـي بهـا
وانت قلت انـه وطانـي غـزل معتجـل
يوم طالع قال لحيتـك نـا اكثـر شيبهـا
خل وصف البيض ما ضعف منهن واستحل
شف هديـات الرحايـل وخـل صعيبهـا
دام عندك جـادلٍ ساقهـا يزهـي الحجـل
عايش معها وخاطرك مـا يضحـى بهـا
أحمد الله واشكره يـوم ظنـك مـا فشـل
من مشت في واجبـك لازمـك توجيبهـا
الشباب اليـوم يختـك يعيبـك يـا رجـل
مبتلش فـي عرفهـا مـن ردى ترتيبهـا
كم هنوف تلعـة العنـق وعيـون نجـل
من ردى سلومها عافها من ردى ترتيبهـا
قلبها فيـه الهبـال احتكـر ثـم اندجـل
والهبال قلوب بعض العرب يمسـى بهـا
دايـم يدهـي بالأرقـام عجلـة تشتـغـل
كـم رقـم حاضـر عندهـا فـي جيبهـا
كـم ذلـول لبنتهـا مـا يغيرهـا الفحـل
الذلـول الداربـه هـي تبعهـا صبيـهـا
جعل راي اللي قناها تحـت ويـل العجـل
القـزازة مـا تصلـح عقـب تخريبـهـا
مساجلة بين الشاعر مرشد البذال الرشيدي والشاعر شنوف جاسم الهرشاني
من المساجلات الرائعة التي جرت بين الشاعر مرشد البذال قصيدة رائعة فيها الكثير من الحنين والشوق للماضي الجميل وقد وجهها للشاعر شنوف جاسم الهرشاني وكانت البداية من قبل الشاعر مرشد سعد البذال الذي قال:
الوقت يا شنوف وراني الحوف
سيطر علي وردني عن شفوفي
غديت ملوى الجناحين مكتوف
على تقاليد الزمان معسوفي
وقتٍ لبعض الناس ما فيه معروف
ولا لبعض الناس ياعد ويوفي
أخذ الخبر مني علاني ومكشوف
أني على الماضي كثير الحسوفي
أذكر ليالٍ ما ضياتٍ بهن نوف
واليوم بيّن في قمرهن أكسوفي
مالي جدا إلا ضربة الخمس بالجوف
ولا فادني ضرب النحر في كفوفي
يلومني في ذكرهن كل ملقوف
ما شاغله حب المحب العيوفي
ولا تل قلبه بالهوى كل قطروف
اللي كلامه بالعهد والحلوفي
إليا هرج قام يتلفت من الخوف
يخاف م هوش العجوز النصوفي
ولا سمع والناس طوفٍ ورا طوف
عليه مخفى السلام محذوفي
من واحدٍ قلبه من الحب ملغوف
نفسه من أحكام المحبة زهوفي
يالله عسى ما فات فادي ومخلوف
وعساه في طيب العمال مخلوفي
ولاّ تراني مثل من طيّر النوف
أعلنت مخلاصي وطيّرت نوفي
وإليا نشدني معطي الهرج منصوف
صديت كنّي ما سمعت ولا شوفي
أفهم مرد الهرج برقام.. وحروف
لاشك دونه يمنعني ظروفي
فلما وصلت هذه قصيدة إلى الشاعر شنوف جاسم الهرشاني أجابه بهذه القصيدة:
حيّ الجواب اللي لفاني بمظروف
عد المطر من مرزمات القنوفي
وتعيش ياللي بالتماثيل موصوف
ياللي بسمحات البيوت معروفي
مانتب تعيل ولا أنت باللعب مزهوف
وعادتك بالميقاف تأخذ وتوفي
ليجا نهارٍ فيه جلاس ووقوف
تضربك الأمثال وسط الصفوفي
وسلك الحريد الطول ما يقلبه صوف
ولا ينتسب لمعورجات الشنوفي
صحيح لا فاتك من الوسم غطروف
ما ينفعك برّاق مزنٍ الصيوفي
ما فاتك والثمر منه مقطوف
قطفه زهر نوّار عشب القنوفي
وأصبر على ما جاك لو كنت ملهوف
صبراً جميل الله بحالك يروفي
لابد ما تارى غيارات.. وصنوف
ومن لا عجبك خلّه بدربه يطوفي
شرواك رجل يفهم العلم عاروف
ياما.. وياما واجهتك الصدوفي
الكبر مذرا والجهل راس شفشوف
دايم توميبه هبوب الشعوفي
وبعض الشباب اليوم بايج ومخطوف
يقضي نهاره بالشوارع يسوفي
وأنا مالوم اللي من الحب متلوف
اللي على ماض الليالي عطوفي
أيام لبس البيض شاشِ ومرضوف
ما علقن شلحات وهدوم صوفي
ولا حطن المكسى على الجسم مقصوف
ولا قصرن شقر الجدايل زلوفي
تم الجواب وجاك ما قال شانوف
وأعذر وسامح ما معشّي الضيوفي
ومن المساجلات الطريفه والفكاهيه بيينه وبين الشاعر مسعود بن سند الرشيدي
في زيارة للشاعر مسعود بن سند الرشيدي لمجلس الشاعر مرشد البذال فوجئ عند خروجه بفقدان حذائه الذي هو على حد قوله مركوب عزيز رافقه وحمله دهراً كان فيه خير رفيق
فأنشد مخاطباً مرشد:
سيـّرت بنعالي وعودت مسروق
وأنا بدار مطوع الضد لاعــال
نعولي اللي لي بملبوسها شوق
جتني من الزلفي حشا مالها مثال
فما كان من مرشد إلا أن رد عليه بقصيدة يخلي نفسه فيها من المسؤولية
ويعده بالعوض المضاعف:
يا إبن سند ماني بحذاك مشبوق
اللي غدت مابين عاقل وجهـّال
حنا بديوان مثل هيضة السوق
ديواننا للربع شرواك مدهال
ولاني بحاط نعالكم وسط صندوق
من قال قلت حذاك يا طيـّب الفال
ولالي على ظلم المسايير طاروق
أقول ردّوا عندنا بوقة نعـال
لا يستوي قلبك من الهم محروق
مافات خلــه وإطلب الله بالإقبال
والله لأعوضك وأجعل الطاق مطبوق
وإني لأطرّش لك على نجد جمـّال
ومن الطريف أن مرشد البذال نفسه تعرض لموقف مماثل عندما سرق نعاله هو وصديق له في مسجد بمنطقه الفنطاس التي لقبت في إحدى الأغاني القديمة بملعب الغزلان فعادا إلى المنزل حافيين وأنشد مرشد يقول:
في مدهل الغزلان ضاعت نعالي
في مدهل الغزلان لا مره السيل
كانه من اول مدهل للغزالي
اليوم اظنه مدهل للمهابيل
دشيت مسجدهم ولاني لحالي
معي شهود من فحول الرجاجيل
أصلي الجمعة ولاحس بالي
إن الحرامية ورانا مخاتيل
يوم انتبهت.. لموقع النعل خالي
قمت اتفكر على نعلي يغنون: يا ليل
أنا وابو يوسف قضبنا الظلالي
وحنا حفايا ونهبونا الرجاجيل
*****
اعداد وكتابة التقرير وجمع وبحث من المراجع
الباحث والإعلامي
ناصر بن حمد الفهيد
القصيم – بريدة
تويتر
المصادر
العديد من الرواة وكتب التاريخ الشعبي
